Lögmannablaðið - 01.03.2004, Blaðsíða 26

26 1 / 2 0 0 4
Fréttir frá félagsdeild
Starfsemi félagsdeildar hófst meðhefðbundnum hætti í byrjun árs
með því að lögmenn með gífurlegt
samviskubit höfðu samband og
vildu fá líkamsræktartilboð hið
fyrsta. Brugðist var við því með
nýju tilboði frá World Class en hægt
er að leita upplýsinga um það á
heimasíðu LMFÍ, undir afsláttarkjör
félagsdeildar LMFÍ. Svo var hafist
handa við undirbúning námskeiða,
árshátíðargleði og margt fleira.
40% félagsmanna á námskeið 2003
Árið 2003 stóð félagsdeild fyrir 22 nám-
skeiðum sem 260 félagsmenn sóttu. Að sjálf-
sögðu sækja sumir fleiri en eitt námskeið en það
hlýtur að teljast mjög gott að fá sem svarar 40%
félagsmanna á námskeið á einu ári.
Árið 2004 byrjaði vel í námskeiðahaldi
félagsdeildar en skipulögð voru fimm 4 klukku-
stunda námskeið í notkun á nýju skaðabótafor-
riti sem Samband íslenskra tryggingafélaga lét
útbúa. Námskeiðin voru haldin í samstarfi við
SÍT og tölvufyrirtækið Vigor sem útbjó forritið.
Nú þegar hafa um 50 lögmenn sótt þessi nám-
skeið en reiknað er með að fleiri námskeið verði
haldin fyrir sumarsólstöður. Auk þess hefur nú
þegar verið haldið námskeið í vitna- og aðila-
skýrslum fyrir dómi og stafrænum
myndavélum. Önnur námskeið vor-
annar eru auglýst hér í blaðinu og
stefnir í mjög góða skráningu á flest
þeirra.
Árshátíð LMFÍ
Laugardagskvöldið 27. mars nk.
mun hin árlega árshátíð verða haldin
í Súlnasal Hótel Sögu. Gunnlaugur
Claessen hæstaréttardómari verður heiðurs-
gestur en Árni Vilhjálmsson hrl., veislustjóri. Að
þessu sinni munu Stuðmenn túlka lögin fyrir
lögmenn og reiknað er með góðri mætingu.
Hjálmar Hjálmarsson fyrrverandi ekki-frétta-
maður mun kynna nýjan baráttusöng lögmanna
en ekki er vitað fyrir hverju á að berjast enn sem
komið er.
70% fjölgun heimsókna
Heimasíða LMFÍ er orðin gríðarlega öflugur
og ódýr auglýsingamiðill fyrir lögmenn. Heim-
sóknum á síðuna fjölgaði um 70% milli áranna
2002 og 2003 en flestar heimsóknirnar eru
vegna LÖGMANNALISTANS. Enn á ný eru
lögmenn hvattir til að athuga skráningu sína á
listanum.
Eyrún Ingadóttir
SÍÐUMÚLA 16-18 • www.gutenberg.is • SÍMI 545 4400