Lögmannablaðið - 01.12.2005, Blaðsíða 18

SAGA KNATTSPYRNUMÓTA LMFÍ er
jafngömul Lögmannablaðinu og því er við
hæfi að rifja upp sögu þeirra í þessu afmæl-
isblaði. Allt hófst þetta á því herrans ári
1995. Fyrir þann tíma höfðu lögmenn att
kappi við fanga á Litla-Hrauni, sem þeir
gera reyndar enn í dag.
Í árdaga knattspyrnumóta LMFÍ reyndist
þrautin þyngri fyrir hina ýmsu íþróttafrétta-
ritara að fá birtar greinar um mótin í Lög-
mannablaðinu og var því ekki um auðugan
garð að gresja fyrir pistlahöfund að leita
efnis um fyrstu mótin. Ekki skorti þó vilja
íþróttafréttaritara að senda inn greinar skv.
heimildum pistlahöfundar en einhverra
hluta vegna rötuðu greinarnar ekki í fyrstu
tölublöð blaðsins. Frá árinu 1999 hefur
verið skrifað um hvert mót og verður svo
vonandi áfram.
Það er eftirtektavert að þeir lögmenn sem
skráðu sig til leiks á fyrstu mótin eru enn að
og er nýliðun í knattspyrnuhópnum frekar
rýr. Sjást þessa merki þegar skoðað er hvaða
lið hafa sigrað á mótunum frá upphafi. Tvö
lið skera sig þar nokkuð úr: lið Grínarafé-
lagsins sem nýtur aðstoðar Markarinnar í
útimótum og lið Reynslu og Léttleika. Þessi
lið hafa skipst á að vinna mótin utan þess að
lið Bolta.is og lið Markarinnar hafa hvort
um sig unnið einu sinni. Tími ungseiðanna
hlýtur að renna upp fyrr en síðar og hvetur
greinarhöfundur yngri menn að taka sig nú
saman og fjölmenna til leiks á næstu árum.
Lið AM Utd. hefur t.d. komið sterkt til leiks
undanfarin 2 ár en hefur ekki náð að vinna
mót. Haldi þeir sínu striki mun þeirra tími
renna upp!
Annars er ótrúlegt hvað keppnisviljinn
fleytir mönnum áfram þó aldurinn sé farinn
að segja til sín líkamlega. Jón Steinar Gunn-
laugsson er besta dæmið um það en hann
18 < LÖGMANNABLAÐIÐ – 4 / 2005
Saga knattspyrnumóta LMFÍ
Greinarhöfundurinn sjálfur
með snilldar tilþrif á
knattspyrnumótinu í
september sl. Takið eftir
hvernig hann nær að stinga
andstæðingana af í
sókninni.
Smári Hilmarsson hdl.