Lögmannablaðið - 01.12.2005, Blaðsíða 27
Afbrot og refsiábyrgð III
Bók þessi er þriðja bindi fræðirits höfundar um afbrot og refsiábyrgð. Í verkinu er í
sex þáttum fjallað um staðreyndavillu, lögvillu, sakhæfi, neyðarvörn, neyðarrétt og
samþykki brotaþola. Með ritinu fylgja ítarlegar skrár.
Höfundur: Jónatan Þórmundsson
Mannréttindasáttmáli Evrópu
Meginreglur, framkvæmd og áhrif á íslenskan rétt
Bókin er lögfræðilegt heildarrit um Mannréttindasáttmálann, réttindin sem hann verndar
og hvernig verndin kemur fram í framkvæmd Mannréttindadómstóls Evrópu. Lýst er
hvernig áhrif sáttmálans birtast í íslenskum rétti og hvernig réttindi hans eru tryggð með
hliðsjón af ákvæðum stjórnarskrárinnar, íslenskrar löggjafar og dómaframkvæmd hér á
landi auk þess sem fjallað er um ákvarðanir og dóma Mannréttindanefndarinnar og
Mannréttindadómstólsins í kærumálum gegn íslenska ríkinu. Ritið hefur þannig íslenskt
sjónarhorn og því sérstakt hagnýtt gildi fyrir íslenska lögfræðinga. Loks er fjallað um
túlkunaraðferðir Mannréttindadómstólsins við úrlausn mála, lýst reglum um skilyrði þess
að kæra verði tekin til meðferðar og meðferð kærumála fyrir dómstólnum.
Bókin er umfangsmikið samstarfsverkefni þar sem fræðimenn lagadeilda Háskóla Íslands
og Háskólans í Reykjavík leggja saman krafta sína auk annarra sérfræðinga um mann-
réttindi en höfundar efnis í ritinu eru alls tólf talsins.
Ritstj.: Björg Thorarensen, Davíð Þór Björgvinsson,
Guðrún Gauksdóttir, Hjördís Hákonardóttir
Lagaslóðir
Þrettán ritgerðir á ýmsum sviðum lögfræði og réttarsögu. Allar eru ritgerðirnar
áhugaverðar fyrir lögfræðinga jafnt sem aðra áhugamenn um lög og sögu.
Fjallað er um efni á sviði samanburðarlögfræði, um megindrætti japansks réttar,
um lögleiðingu vestrænna réttarreglna í Tyrklandi, um borgaralögbækur Ítala og
Spánverja og um réttarþróun í Suður-Afríku. Þá eru greinar um kirkjurétt og um
lögfræði og lagamenn fyrri tíðar. Á ensku og dönsku eru m.a. greinar um Jóns-
bók, hina fornu lögbók Íslendinga og um innleiðingu ákvæða úr hinum norsku
og dönsku lögbókum Kristjáns konungs V. á Íslandi.
Höfundur: Páll Sigurðsson
H Á S K Ó L A Ú T G Á F A N
w w w . h a s k o l a u t g a f a n . h i . i s
h u @ h i . i s