Lögmannablaðið - 01.03.2005, Blaðsíða 16

Þetta er síðasti pistillinn sem ég skrifa íLögmannablaðið sem formaður LMFÍ. Ég
hef verið formaður í 3 ár og embættinu má víst
ekki gegna lengur samfellt. Blaðið
kemur út fjórum sinnum á ári og
því er þetta tólfti pistillinn. Hann
verður kveðjupistill. Mér hefur
alltaf látið heldur illa að kveðja.
Mér finnst árin þrjú hafa verið
ótrúlega fljót að líða og vona að
félagsmönnum hafi ekki fundist
þau of lengi að líða. Ýmislegt
hefur á dagana drifið og drjúgur
tími farið í að sinna embættinu. Ég
vissi það þegar ég tók við og sé
ekki eftir einni mínútu, er miklu
fremur þakklátur fyrir að hafa
fengið þetta tækifæri.
Af því þetta er skrifað á óskarsverðlauna-
degi er nánast við hæfi að misnota aðstöðu
sína eins og hver annar óskarsverðlaunahafi
og þakka þeim sem þakka ber. Meðstjórnar-
mönnum mínum þakka ég afar ánægjulegt
samstarf. Starfsmönnum félagsins fyrir að
leggja sig fram í störfum sínum fyrir það.
Eyrúnu, sem kallar sig ýtu þegar hún ýtir á
eftir pistlunum mínum, fyrir að ýta á eftir
þeim. Hún stjórnar félagsdeildinni með
myndarbrag. Sérstaklega vil ég þó þakka
framkvæmdastjóra félagsins, Ingimari Inga-
syni, fyrir samstarf sem aldrei hefur borið
skugga á. Félaginu er mikill fengur að Ingi-
mari sem hefur sinnt sínum störfum frábær-
lega. Ég tel hann gæddan þeim kosti sem
helstan þarf til þess að ná árangri í starfi, að
þykja vænt um viðfangsefnið. Ingimar ber
virðingu fyrir LMFÍ og þykir vænt um
félagið. Þess vegna gerir hann hvaðeina sem
hann getur til þess að efla hag þess. Þá þakka
ég félagsmönnum fyrir að hafa leyft mér að
fara fyrir félaginu þennan tíma og fyrir að
láta sig málefni þess varða. Ég óska þess
einnig að þeir haldi áfram að láta málefni
félagsins sig varða.
Virðing min fyrir LMFÍ hefur vaxið eftir
því sem ég hef lært að þekkja félagið, hlut-
verk þess og sögu betur. Ég hef sannfærst enn
betur en áður um að félagið þjóni
mikilvægu hlutverki. Það snýst
ekki fyrst og fremst um lögmenn,
heldur hlutverk þeirra sem skjól
fyrir borgarana, ekki síst gagnvart
ríkisvaldinu. Þessu hlutverki sínu
geta lögmenn því aðeins gegnt að
þeir séu sjálfstæðir og óháðir.
Megintilgangur lögmannafélags-
ins er því og hlýtur að verða að
standa vörð um sjálfstæði lög-
manna. Sjálfstæðir og óháðir lög-
menn eru einfaldlega forsenda
þess að ríki geti talist réttarríki.
Þessi megintilgangur félagsins er líka
helsta réttlætingin fyrir tilvist þess og skyldu-
aðildinni að því. Enginn vafi er á því að
heildin er í sterkari stöðu til þess að standa
vörð um sjálfstæðið en hver lögmaður væri á
eigin spýtur.
Eins og menn ugglaust muna varð nokkur
ágreiningur innan félagsins í byrjun árs 2004
vegna frumvarps til breytinga á lögmanna-
lögum, svo sem það leit þá út. Óánægju gætti
fyrst og fremst í hópi þeirra sem kallaðir hafa
verið innanhússlögmenn, en þeir töldu
ákveðin atriði í frumvarpinu vega að stöðu
sinni. Í framhaldi af því var sett á laggirnar
svokölluð 9 manna nefnd og henni falið
að gaumgæfa nauðsynlega heild-
arendurskoðun á lögmannalög-
um. …hvernig félagsaðild og
handhöfn lögmannsréttinda verði
bezt fyrir komið og þar hafðar til
hliðsjónar tilgangsskyldur félags-
ins samkvæmt 2. gr. samþykkta
þess.
Nefndinni var gert að leggja tillögur sínar
fyrir aðalfund 2005 og það mun hún gera.
16 1 / 2 0 0 5
PIST ILL FORMANNS:
Gunnar Jónsson
hrl.