Lögmannablaðið - 01.11.2008, Blaðsíða 6

6 < LÖGMANNABLAÐIÐ – 3 / 2008
Skýrsla um gjafsókn
Í framhaldi af gildistöku nýrrar
reglugerðar nr. 45/2008 um gjafsókn
ákvað stjórn Lögmannafélagsins að
láta gera úttekt á því hvort breyt-
ingar, sem fólu í sér frekari tak-
markanir á gjafsókn frá því sem
áður tíðkaðist, stæðust lög og
ákvæði Mannréttindasáttmála
Evrópu. Leitaði félagið til þeirra
Hjördísar Harðardóttur, hrl. og
Arnars Þórs Jónssonar, hdl., sem
nýlega skiluðu af sér afar vandaðri
skýrslu um efnið en úrdráttur
hennar er hér í blaðinu. Stefnt er að
því að taka efni skýrslunnar upp við
dómsmálaráðuneytið og einnig að
kynna félagsmönnum inntak hennar
á félagsfundi þar sem rætt yrði um
„access to justice“ á breiðum grund-
velli, en með sérstakri skírskotun til
gjafsóknarmálefna. Einnig hyggst
félagið kynna málið fyrir fjölmiðl-
um.
Athugasemdir um
málskostnaðar ákvarðanir
Stjórn Lögmannafélagsins hefur á
undanförnum árum margsinnis gert
athugasemdir við ákvarðanir dóm-
stóla um málskostnað en oft er lítið
samræmi í málskostnaðar ákvörð-
unum milli dómstóla og jafnvel
innan þeirra. Hafa ákvarðanir að
mati stjórnar ekki alltaf verið í sam-
ræmi við ákvæði laga um meðferð
einkamála. Ljóst er að úrbóta er þörf
og hafa m.a komið upp hugmyndir
um nauðsyn þess að settar verði
leiðbeinandi reglur varðandi
málskostnað í einkamálum, ekki
ósvipaðar þeim sem Dómstólaráð
hefur sett um þóknun fyrir verjenda-
og réttargæslustörf. Í þessu sam-
hengi hefur einnig verið horft til
þess að nauðsynlegt sé að lögfesta
reglur um málskostnað í stjórn-
sýslumálum en slíkar reglur hafa
ekki verið til staðar hér á landi enda
þótt augljós rök standi til þess.
Stjórn félagsins telur brýnt að allir
þeir sem hlut eiga að máli ræði
saman um leiðir til úrbóta. Hyggst
stjórn félagsins setja af stað
vinnuhóp til að vinna tillögur um
breytingar á lögum þannig að hægt
verði að ákvarða málskostnað í
stjórnsýslumálum.
Einfaldari málsmeðferð í
fasteignagalla málum
Það fyrirkomulag sem nú gildir um
málsmeðferð í fasteignagallamálum
hefur sætt mikilli gagnrýni, bæði af
hálfu lögmanna og dómara. Stjórn
Lögmannafélagsins hefur rætt um
nauðsyn þess að leita leiða til að
einfalda málsmeðferð, gera hana
hraðvirkari, skilvirkari og ódýrari.
Ákveðið hefur verið að leita eftir
samvinnu við kennara og nemendur
lagadeilda til að vinna að tillögum
til úrbóta.
Innheimtumálefni –
reglugerð
Alþingi hefur samþykkt sérstök
innheimtulög sem taka munu gildi
1. janúar n.k. Jafnframt hefur við-
skiptaráðherra boðað að sett verði
reglugerð sem muni geyma nánari
útfærslu á efni laganna. Stjórn
Lögmannafélagsins hefur árangurs-
laust reynt að fá drög þessar
reglugerðar til yfirlestrar enda varða
þessi mál störf lögmanna og mikil-
vægt að tekið verði tillit til sjónar-
miða þeirra ekki síður en sjónarmiða
skuldara. Stjórn félagsins hyggst á
næstunni setja saman vinnuhóp til
að fylgja þessu máli betur eftir og til
að gæta að hags munum lögmanna
eins og efni standa til.
Af vettvangi félagsins
Ingimar Ingason