Lögmannablaðið - 01.12.2008, Blaðsíða 6
6 < LÖGMANNABLAÐIÐ – 4 / 2008
Sú þjóð, sem í myrkri gengur,
sér mikið ljós.
Yfir þá sem búa í landi nátt myrkr anna
skín ljós.
…
Því að barn er oss fætt,
sonur er oss gefinn.
…
Mikill skal höfðingjadómurinn verða
og friðurinn engan enda taka
á hásæti Davíðs
og í ríki hans.
...
Sú þjóð sem í myrkri gengur mun sjá mikið ljós.
Jes. 9.1-7
Þessi spádómur gamla testa ment isins rættist í
jólaguðspjallinu. Það er í senn nýtt og eilíft. Vonandi
rætist spádómur Jesaja að nýju á Íslandi. Merkilegt hvað
lýsingin á vel við. Sannlega búum við í landi
náttmyrkranna þennan hluta ársins.
Hásæti Davíðs
Undanfarin ár virtist mikið ljós stafa frá hásæti Davíðs.
Það reyndist mýrarljós. Flestir aðrir en arftakinn virðast
sammála um að Davíð hafi reynst falsspámaður. Öfugt
við Pétur, sem afneitaði Jesú þrisvar áður en haninn gól
tvisvar, fæst arftakinn ekki til þess að afneita Davíð þótt
hanagalið standi vikum saman. Virðist einu gilda hvað
þjóðinni finnst eða hvaða fórnir hún þarf að færa vegna
þrælslundarinnar. Menn hefðu getað áttað sig á þessu
fyrr. Það verður seint sagt að frið urinn hafi engan enda
tekið á hásæti hins íslenska Davíðs.
Litla gula hænan
Vonandi nær þjóðin að ganga út úr myrkrinu og sjá
mikið ljós. Hátíð ljóss og friðar fer í hönd. Við fögnum
fæðingu barnsins í Betlehem. Fæðing barns er sú
stórkostlegasta af öllum guðsgjöfum. En fæðing
barnsins í Betlehem varð einstök vegna dauða barnsins
og upprisu. Upprisan er grundvöllur kristinnar trúar.
Barnið fæddist til þess að deyja fyrir okkur. Taka á sig
syndir okkar. Það er boðskapur stærstu hátíðar kristinna
manna, páskanna.
Þeir sem fara fyrir þjóðinni virðast ekki vel að sér í
páskaboðskapnum. Á það jafnt við um kjörna fulltrúa
og embættismenn sem leiðtoga í viðskipta og bankalífi.
Þeir fást ekki einu sinni til þess að gangast við eigin
syndum. Þeir eru betur að sér í litlu gulu hænunni,
kunna helst að segja „ekki ég“. Eru þó búnir að éta
brauðið og annað til. Jafnvel fræin sem nota átti til
framtíðaruppskeru sem baka mætti úr.
Trölli og Trína
Svo fæ ég vexti og vaxtavexti
og vexti líka af þeim.
Þetta er niðurlag vísukorns sem Trölli og Trína,
sparibaukapar Útvegsbankans, sungu fyrir munni sér
sem þau gengu hamingjusöm út í sólsetrið frá
Lækjartorgi með Útvegsbankann í baksýn. Þau voru
aðlaðandi par. Stóri bróðir minn gaf mér Tröllabauk í
afmælisgjöf þegar ég varð 9 ára. Trölli greyið er hins
vegar týndur og tröllum gefinn; fór sína leið með
bankanum sem dróst niður með sökkvandi skipa
félagi.
Jólahugvekja
Fyrirgefning fæst
ekki án iðrunar
Gunnar Jónsson hrl.