Lögmannablaðið - 01.12.2008, Blaðsíða 7

Skipafélagið var skrifað á flot í tveimur bókum nýverið.
Bækurnar voru í boði enskra og hollenskra spari­
fjáreigenda. Veruleg áhöld eru um hvort söguskýringar
í þeim séu á sjó setjandi.
Útgerðarmanninum skolaði á land í austri og síðan
heim aftur, með fullar hendur fjár og velvild réttra
manna. Féð og velvildin nýttust til bankakaupa.
Bankareksturinn tókst með þeim ágætum að spurningin
er helst sú hversu margar kynslóðir Íslendinga muni
súpa seyðið af.
Enginn bað Jón og Gunnu að gangast í sjálfskuldar­
ábyrgð fyrir bankann. Það gerðist bara – og er engum
að kenna.
... og svo ráðuneytisstjórinn
Ráðuneytisstjóri fór á fund í Bret landi að bjarga málum.
Hann bjargaði bara sjálfum sér. Seldi bréfin í bank­
anum. Fékk fyrir ævilaun ritarans síns. Heppinn með
tímasetningu. Bréfin urðu verðlaus hálfum mánuði
síðar. Ráðuneytis stjóranum var svo falið að sjá um
samninga við Breta, eftir hrun bankans. Vanhæfi
þvældist ekki fyrir. Hann átti engin bréf í bank anum
lengur. Það var nú meira lánið.
Ég sé fyrir mér blessað parið, Trölla og Trínu, í
ódáinslendum spari bauka sönglandi fyrir munni sér:
Svo greiði ég vexti og vaxtavexti
og verðbætur og gengistryggingu líka af þeim.
Ljósið í myrkrinu
Jólin koma senn. Daginn tekur að lengja. Síðan koma
páskar og upprisan. Við þjóðinni í myrkrinu skín þá
ljós. Meira ljós en við öðrum þjóðum. Með þjóðinni og
landinu sem hún byggir býr kraftur til þess að rísa upp
að nýju. Fyrst verður hún að losa sig við myrkrið úr
sálinni.
Lífið verður ekki eins og áður. Við viljum það ekki. Það
var tilgangur í dauða Krists á krossinum. Hann tók á sig
syndir mannanna. Dauði Krists var forsenda fyrir gefn­
ingarinnar, inntaks trúarinnar. En fyrirgefning fæst ekki
án iðrunar. Hver og einn verður að líta í eigin barm,
heita því að gera betur næst og fyrirgefa þeim sem
fyrirgefningar leita. Fyrirgefning færir vellíðan þeim
sem veitir ekki síður en hinum sem leitar.
Við getum byggt nýtt samfélag á grundvelli fyrir­
gefningarinnar. Það verður betra Ísland ef við vinnum
að því saman. Og með samvinnu og samhjálp tekur
það skemmri tíma en við þorum að vona þessa
stundina.
Ég óska lögmönnum og fjölskyldum þeirra gleðilegra
jóla árs og friðar.
LÖGMANNABLAÐIÐ – 4 / 2008 > 7
Ó.R.Á.