Lögmannablaðið - 01.12.2008, Blaðsíða 11
LÖGMANNABLAÐIÐ – 4 / 2008 > 11
Gunnar Þór taldi rökin gegn því að
íslenska ríkið bæri ábyrgð jafnframt
sterk. Hann nefndi að í inngangs
orðum tilskipunarinnar væru talaði
um „ótiltæk innlán í lánastofnun“ í
eintölu og að ekki væri gert ráð fyrir
hruni bankakerfis í heild sinni.
Sérstaklega væri vikið að stöðugleika
bankakerfisins í inngangsorðunum
og að fjármögnun trygginganna
mætti eki stefna stöðugleika banka
kerfis aðildarríkis í hættu.
Taldi Gunnar að ráða mætti af inn
gangsorðunum að skylda íslenska
ríkisins fælist í því að koma kerfinu
upp en ekki „að styðja það fram í
rauðan dauðann.“ Benti hann á að í
inngangsorðunum væri tekið fram
að tilskipunin gæti ekki gert aðildar
ríkin eða lögbær yfirvöld þeirra
ábyrg gagnvart innstæðu eigendum
ef þau hafa séð til þess að koma á
einu eða fleiri kerfum viðurkenndum
af stjórnvöldum. Þá væri ljóst að
engar athugasemdir hefði komið
fram við íslenska tryggingakerfið
enda væri það sambærilegt við
önnur kerfi og að stjórnvöld hér á
landi hefðu verið í góðri trú. Gunnar
Þór benti á að skýrslur Fram
kvæmda stjórnar EB styddu þessar
niðurstöður, þ.e. að kerfin réðu ekki
við nema „single crisis“ hjá meðal
stórri lánastofnun en ekki algjört
bankahrun.
Hugmyndin um réttarríki á
viðsjárverðum tímum
Oddný Mjöll Arnardóttir, prófessor
við lagadeild Háskólans í Reykjavík,
sagði í fyrirlestri sínum að það væri
nokkuð ljóst að mörg og margvísleg
álitaefni hefðu risið dagana á undan
út frá grunnhugmyndinni um réttar
ríkið Ísland. Einkum vörðuðu þau
friðhelgi eignarréttarins, jafnræðis
regluna sem bæði væri tryggð í
stjórnarskrá og stjórnsýslurétti og
lögmætisreglu og meðalhófsreglu
stjórnsýsluréttar.
Nefndi Oddný sem dæmi yfirtöku
ríkisins á meintum eignum stórra
sem smárra hluthafa í bönkunum,
mismunandi meðferð kröfuhafa eftir
því hvort krafa þeirra lendir á gamla
bankanum eða nýja ríkis bankanum,
sértæka ívilnandi aðgerð sem virðist
hafa farið fram í þágu viðskiptavina
ákveðinna peninga markaðssjóða og
gripið var til af nýju ríkisbönkunum
án laga heim ildar, mismunandi
meðferð við skipta vina peninga
markaðs sjóða eftir því hvort þeir eru
á vegum nýju ríkisbankanna eða á
vegum annarra fjármálafyrirtækja og
mismunandi meðferð skuldara í
erlendri mynt eftir því hvort þeir
skulda hjá nýjum ríkisbanka eða
öðru fjármála fyrir tæki.
Oddný lagði áherslu á að lagfæra
bæri strax þrjú atriði í ríkjandi réttar
stöðu: Í fyrsta lagi væri réttarstaðan
varðandi starfsemi á vegum skila
nefnda gömlu bankanna allt of óljós
og að meðferð eigna og skulda sem
tilheyrðu gömlu bönk unum færu
fram á lagalegu einskis mannslandi.
Ekki lægju til grund vallar fyrir
sjáanlegar almennar leikreglur sem
kvæðu nægilega á um réttarstöðu
kröfuhafa og að málsmeð ferð ar
reglum sem giltu í framkvæmdinni
væri heldur ekki lýst. Í öðru lagi þá
yrði þegar í stað að huga að því að
undirbyggja starfsemi nýju bank
anna með sæmandi hætti. Stofna
yrði til þeirra með lögum þar sem
stjórnkerfi og innra eftirlitskerfi væri
lýst og setja starfseminni starfsreglur
sem byggðust á meginreglum stjórn
sýsluréttar. Í þriðja lagi þyrfti að
leggja af þann plagsið stjórnvalda að
senda bein og óbein skilaboð um
réttindi borgaranna út til almennings
og inn til ríkisbankanna með yfir
lýsingum á blaðamannafundum eða
með einhvers konar tilmælum, án
lagastoðar, án tilheyrandi lýðræðis
legrar umfjöllunar á Alþingi og án
undanfarandi mats á áhrifum skila
boðanna í ljósi meðalhófsreglu og
jafnræðisreglu.
Fullt út úr dyrum
Skemmst er frá því að segja að
fundur lagadeildar Háskólans í
Reykjavík tókst í alla staði mjög vel
og var hann afar vel sóttur. Fjörugar
umræður urðu um framsögur sex
menningana og hlutu erindi þeirra
nokkra athygli í fjölmiðlum.
Borgar Þór Einarsson hdl.
gunnar Þór Pétursson. oddný mjöll arnardóttir.