Lögmannablaðið - 01.12.2008, Blaðsíða 17
LÖGMANNABLAÐIÐ – 4 / 2008 > 17
ingsmálum varðandi réttarfar og
rannsóknaraðgerðir í héraðsdómi
yrði skotið til milli dómstigsins með
kæru.
Nefndin gerði ráð fyrir að við dóm
stólinn myndu starfa að lágmarki
sex dómarar í tveimur deildum og
almennt yrði fallið frá fjölskipuðum
dómi í héraði. Mál fyrir dóminum
myndu verða flutt af hæstaréttar
lögmönnum og ríkis saksóknara, og
saksóknurum við embætti hans.
Eftirsjá af tveggja dómstiga
kerfinu
Eiríkur Tómasson, prófessor, var
einn af álitsgjöfum nefndarinnar og
sagði að það yrði eftirsjá af tveggja
dómstiga kerfinu sem væri bæði
fljótvirkt og einfalt. Þótt millidómstig
í sakamálum hefði marga kosti þá
yrði réttarkerfið flóknara og mála
tími lengdist og ýmis vandasöm
úrlausnarefni sem tengdust slíkri
réttarfarsbreytingu kæmu upp. Hins
vegar sagðist hann fylgjandi því að
sú stefna yrði mörkuð til frambúðar
að taka upp eiginlegt millidómstig
sem tæki bæði til einkamála og
sakamála. Varhugavert væri að skilja
á milli þessara tvenns konar mála,
eins og fyrirliggjandi tillaga gerir ráð
fyrir, nema jafnframt verði mótuð
fyrrgreind framtíðarstefna, þannig
að hið nýja fyrirkomulag myndi þá
aðeins gilda til bráðabirgða. Að
öðrum kosti gæti svo farið að við
sætum í reynd uppi með tvo áfrýj
unardómstóla, þ.e. Hæstarétt í
einkamálum og hinn nýja Lands
yfirrétt í sakamálum. Ef millidóm
stigið ætti einungis að vera ein
skorðað við sakamál, þá ætti það af
fyrrgreindum ástæðum að vera með
takmarkaða lögsögu sem yrði fyrst
og fremst bundin við áfrýjun mála
þar sem niðurstaða gæti oltið á gildi
munnlegs framburðar fyrir dómi.
E.I.
Eiríkur tómasson.