Lögmannablaðið - 01.03.2008, Blaðsíða 4
4 < LÖGMANNABLAÐIÐ – 4 / 2007
Ég hef ítrekað fjallað um hlutverk Lögmannablaðsins
og efnisval í þessum pistli. Efni blaðsins ræðst þó að
miklu leyti af málum og atburðum líðandi stundar
og því starfi sem unnið er á vettvangi Lögmanna
félagsins. Þar leggja lögmenn sem sæti eiga í
stjórnum og nefndum félagsins fram mikið starf í
þágu hagsmuna allra félagsmanna ásamt starfs
mönnum. Tilgangurinn er, eins og fram kemur í
lögum Lögmannafélagsins, að gæta hagsmuna
lögmanna stéttarinnar, stuðla að framþróun réttarins
og réttaröryggis svo og samheldni og góðri sam
vinnu félagsmanna auk þess að standa vörð um
sjálfstæði lögmannastéttarinnar og sinna lögboðnu
eftirlits og agavaldi. Aldrei má slaka á vönduðum
vinnu bröðgum eins og formaður félagsins bendir
réttilega á í pistli sínum þar sem hann gerir frostið í
íslensku og efnahags og viðskiptalífi að umtalsefni.
Hagsmunagæsla lögmannsstéttarinnar er ekki
eingöngu fólgin í formlegum umsögnum til
stjórnvalda. Skoðanir og þarfir lögmanna þurfa líka
að koma fram með beinum hætti. Lögmannablaðið
er kjörinn vettvangur til þess eins og aðsendar
greinar lögmanna í þessu tölublaði um greiðslur
fyrir réttargæslu og bakvaktir lögmanna bera vitni
um. Eins má benda á grein um gagnagrunna sem
tekur undir og bætir við umfjöllun um sama efni í
síðasta tölublaði auk greinar um íslenskt réttar
farsmál fyrir Mannréttindadómstóli Evrópu. Slík
umfjöllun er í anda áðurgreindra markmiða
Lögmannafélagsins. Í blaðinu eru einnig jafnaðarlega
birtar frásagnir af störfum félagsins. Það er þó mín
skoðun að stjórnendur Lögmannafélagsins geti nýtt
blaðið betur sem fréttavettfang, með léttari og
beinskeyttari fréttum af þeim viðfangsefnum sem
verið er að fást við og varða hagsmuni lögmanna á
hverjum tíma. Afstaða Lögmannafélagsins komi t.d.
skýrar fram í fréttum af störfum þess. Blaðið ásamt
vef félagsins á að mínu mati að vera virkur
vettvangur til að koma skoðunum og áherslum
Lögmannafélagsins á framfæri bæði gagnvart
félagsmönnum og öðrum. Ýmislegt má læra t.d. af
danska lögmannablaðinu. Þar er það talið blaðinu
til ágætis að iðulega sé vitnað til þess sem þar kemur
fram í öðrum fréttamiðum. Nú á tímum „lobbyisma“
þurfa hagsmunasamtök eins og Lögmannafélagið
að eiga virkan fréttamiðil.
Þetta er níunda tölublaðið undir minni ritstjórn og
um leið það síðasta. Um leið og ég þakka félögum
mínum í ritstjórninni og síðast en ekki síst blaða
manninum, Eyrúnu, fyrir frábært samstarf óska ég
nýrri ritstjórn allra heilla.
Frá ritstjórn
Hrafnhildur Stefánsdóttir hrl.