Lögmannablaðið - 01.03.2008, Blaðsíða 14
14 < LÖGMANNABLAÐIÐ – 4 / 2007
Fyrir mörgum árum taldi ég rétt
að gefa kost á mér bakvaktarlista
lögmanna. Skuldbindingin er þó
nokkur en maður verður í tvígang
yfir árið að vera til taks í viku í
senn, fyrst sem aðalmaður og
síðar sem varamaður. Mér varð
fljótlega ljóst að uppgjör vegna
vinnu á þessum vettvangi var
mjög brotakennt. Frá því að
reikningur var gefinn út og þar
til hann var greiddur gátu liðið
margar vikur og jafnvel mánuðir.
Engu að síður lét maður þetta yfir
sig ganga þar sem tilgangurinn
var að láta eitthvað gott af sér
leiða frekar en launin.
Það er nauðsynlegt að lögmenn gefi
kost á sér til þessara starfa til að
tryggja sem best réttargæslu og
verjandastörf fyrir brotaþola og
brotamenn. Í dag eru um það bil 62
lögmenn á bakvaktarlistanum en
þeim hefur nú fækkað um einn því
ég hef látið taka nafn mitt af
listanum.
Í tveimur málum sem ég vann að á
árunum 2006 og 2007 gerði ég tvo
aðskilda reikninga sem báðir voru
útgefnir í september 2007. Fyrri
reikningurinn hljóðaði upp á
145.000 krónur og sá síðari upp á
80.000 krónur. Tveimur mánuðum
síðar tilkynnti deildarstjóri lögreglu
stjórans á höfuðborgar svæðinu mér
að fyrri reikningurinn væri of hár
um 30.000 krónur og endursendi
mér hann. Þrátt fyrir að ég teldi mig
hafa farið að settum reglum og
viðmiði Dómstólaráðs þá hafði ég
engan áhuga á að tefja þetta mál
frekar heldur gerði því nýja reikning
í samræmi við óskir deildarstjórans
að fjárhæð 110.000 krónur. Reikn
ingurinn var útgefinn í nóvemer
2007 og sendur embættinu. Þegar
þetta er skrifað, í þriðju viku febrúar
anno 2008, eru liðnir fimm mánuðir
frá upphaflegri útgáfu reikninganna
en hvorugur þeirra hefur enn verið
greiddur af hálfu lögreglustjórans.
Ég hef hins vegar samviskusamlega
greitt virðisauka skattinn af þeim
báðum enda eru engin grið gefin
hjá ríkinu. Þar sem ég hef engan
áhuga að að fjármagna virðisauka
skatt á reikningum sem ríkið trassar
að greiða ákvað ég að láta taka mig
af bakvaktalista lögmanna. Um leið
og ég sendi öllum kollegum mínum
sem starfa á þessum vettvangi
baráttukveðjur þá lýsi ég mig til
búinn til að taka að mér innheimtu
fyrir þá ef þeir upplifa sömu reynslu
og ég hvað varðar greiðslu
reikninga.
Greiðslur fyrir bakvaktir
lögmanna
Sveinn Guðmundsson, hrl.
Bakvakt lögmanna
Lögmenn sem eru skráðir á
bakvaktarlista taka að sér viku
langar vaktir u.þ.b. einu sinni á
ári. Lögregluyfirvöld á höfuð
borgarsvæðinu geta haft sam
band við vakthafandi lög mann
ef þurfa þykir. Bak vaktar listi
lögmanna hefur verið skipu
lagður af Lögmanna félagi
Íslands í fjöldamörg ár.