Lögmannablaðið - 01.03.2008, Blaðsíða 18

18 < LÖGMANNABLAÐIÐ – 4 / 2007 LÖGMANNABLAÐIÐ – 4 / 2007 > 18
Íslenska ríkinu var gert að greiða
kæranda málskostnað vegna
reksturs málsins ytra, 18.000 evrur
auk skatta og vaxta og miskabætur
2.500 evrur. Íslenska ríkið var
sýknað af kröfu um greiðslu skaða­
bóta.
Málið var dæmt í „Third section“
fyrir Mannréttindadómstólnum og
er kæranda heimilt að óska eftir að
málið fari fyrir „The Grand
Chamber“ sem er áfrýjunarstig
innan dómsins og það mun væntan­
lega verða gert vegna skaðabóta­
kröfunnar.
Lokaorð
Undirritaður vill í lokin nefna að
ekki verður hjá því komist að
undrast nánast óyfirstíganlega
hindrun í rekstri mála eins og þess
sem hér er rakið við að fá dæmdar
skaðabætur þrátt fyrir viðurkennd
mannréttindabrot.
Mannréttindadómstóllinn er afar
tregur til að dæma einstaklingi
skaðabætur svo sem sjá má af
dómaframkvæmd, þ.e. þegar reglur
um málflutning og málskot eru
brotnar. Það skýrist af því sjónarmiði,
sem dómstóllinn hefur tekið upp,
að hann telur að með því að dæma
skaðabætur setji hann sig í spor
áfrýjunardómstólsins eins og málið
hefði verið munnlega flutt þar.
Þarna tel ég Mannréttindadómstólinn
hafa sett sig í nokkra sjálfheldu.
Eðlilegra væri að dæma sanngjarnar
bætur ef ríki brýtur mannréttinda­
reglur gagnvart þegni sínum og láta
viðkomandi ríki bera hallann og
tjónið vegna óvissunnar. Að
óbreyttu fær Súsanna Westlund,
kærandi í málinu, nafn sitt skráð í
réttarsöguna. Hún hefur fengið
íslenska ríkið dæmt fyrir mannrétt­
inda brot og fær sjálf lítilsháttar
miskabætur en ber hinn fjárhagslega
skaða sjálf. Hún ryður samt brautina
og aðrir þurfa væntanlega ekki að
líða í framtíðinni fyrir ranglæti
núgildandi 158. gr. einkamálalaga
auk þess sem málið mun væntanlega
leiða til fleiri breytinga á réttar­
farslögum.
Fyrir þá sem vilja skoða dóminn í
heild, sjá: http://cmiskp.echr.coe.int
Vorið 2007 réð lögmannsstofan Tort pólskan
lögfræðing til starfa, Önnu Kubs. Tort er dótturfélag
Forum lögmanna og hefur afmarkað verksvið sitt við
að annast innheimtu bóta vegna líkamstjóna. Talið er
að um 10.000 Pólverjar búi á Íslandi, auk fjölmargra
annarra Austur Evrópubúa. Að sögn Helga Birgissonar,
eins eigenda stofunnar, er verið að koma til móts við
þennan stóra hóp. Anna Kubs hefur búið á Íslandi í
nokkur ár. Hennar starf er fyrst og fremst aðstoða þá
útlendinga sem til lögmannstofunnar leita vegna
umferðar­ og vinnuslysa. Auk auk pólsku talar Anna
íslensku, ensku og þýsku.
Námskeið til öflunar réttinda til að vera héraðs­
dómslögmaður stendur nú yfir og er þetta í tíunda
skiptið sem slíkt námskeið er haldið á s.l. níu árum.
Alls eru 37 þátttakendur skráðir á nám skeiðið í ár, þar
af tíu sem ekki luku námskeiðinu á síðasta ári með
fullnægjandi hætti. Gert er ráð fyrir að námskeiðinu
ljúki í maí n.k.
Pólskur lögfræðingur á
íslenskri lögmannsstofu
Lögmannanámskeið