Lögmannablaðið - 01.03.2008, Blaðsíða 30

30 < LÖGMANNABLAÐIÐ – 4 / 2007
Minningarmót um Bobby Fischer var haldið í salarkynnum
LMFÍ föstudagskvöldið 15. febrúar sl. Þrátt fyrir
þorrablótsannir sáu nokkrir valinkunnir félagsmenn sér
fært að tefla nokkrar skákir til heiðurs Bobby og klára
jólabjór félagsins sem lá undir skemmdum. Tefldar voru
tvær umferðir en úrslit urðu þau að Ágúst Sindri Karlsson
sigraði með 12 vinninga. Í öðru sæti var Björgvin Jónsson
með 11 vinninga og í þriðja sæti var Árni Á. Árnason með
8,5 vinning.
Skák og mát
Ágúst Sindri Karlsson (t.h.) tekur við „Fischer prize“ úr
hendi Árna Á. Árnasonar en verðlaunin voru
kampavínsflaska og viðurkenningarskjal með myndum
af bobby Fischer sem hangir nú uppi á besta stað á
skrifstofu kappans.
Veturliði Þór Stefánsson (t.v.) og Ásgeir Þór Árnason
gefa sig algjörlega í skákina.
mörður lögmaður (t.v) lét sig ekki vanta á skákmótið
frekar en björgvin jónsson.
3. Skipulag
Þriðji kafli þessara tilmæla fjallar um skipulag og gæði.
Þannig á skjólstæðingur að geta treyst því að mál sem
hann felur lögmanni séu sett í hendur kunnáttumanna
á viðkomandi sviði og að hann fái faglega aðstoð hratt
og örugglega þegar nauðsyn krefur. Jafnframt á hann
að geta treyst því að skjöl og viðskiptaleyndarmál sín
séu vernduð. Þá er gerð krafa um að lögmenn
framtíðarinnar þurfi að hafa víðtæka þekkingu á rekstri
lögmannsstofa m.a. út frá bókhalds­ og skattalögum,
félagarétti og vátryggingarrétti.
Er tímabært að taka upp
endurmenntunarskyldu?
Í grundvallaratriðum uppfyllir núverandi undir­
búningsnámskeið fyrir öflun héraðsdómsréttinda þær
kröfur sem Samtök evrópskra lögmanna leggja áherslu
á að gerðar verði til lögmanna framtíðarinnar a.m.k.
hvað varðar bóklega hlutann. Hins vegar hljóta þessar
nýju leiðbeiningar að kalla á umræðu meðal íslenskra
lögmanna um hvort ekki sé tímabært að taka upp
sérstaka starfþjálfun fyrir lögfræðinga áður eða samhliða
námskeiði til öflunar héraðs dóms lögmanns réttinda.
Starfsþjálfun hefur tíðkast hjá nágranna þjóðum okkar
um langt árabil og gefist mjög vel. Með henni mætti
tryggja enn betur að verðandi lögmenn hljóti
fullnægjandi þjálfun. Umræða um ríkari kröfur til
lögmanna framtíðar hlýtur einnig að kalla á frekari
skoðun á því hvort ekki sé tímabært að taka upp
skylduendurmenntun lögmanna á Íslandi. Slík skylda
er nú komin á hjá öllum lögmannafélögum á
Norðurlöndunum, í Bretlandi og mjög víða á meginlandi
Evrópu.
Nánari upplýsingar um þetta efni er að finna á heimasíðu
CCBE á slóðinni www.ccbe.org.