Lögmannablaðið - 01.06.2008, Blaðsíða 6

6 < LÖGMANNABLAÐIÐ – 4 / 2007
Aðalfundir Lögmannafélags
Íslands og félagsdeildar LMFÍ
2008 fóru fram á Hilton Reykjavík
Nordica fimmtudaginn 13. mars
s.l. Auk venjulegra aðalfundar­
starfa lágu fyrir tillögur um
breytingar á samþykktum
félagsins, reglum félagsdeildar
LMFÍ og umsókn um aðild Félags
sáttalögmanna að félagsdeild
LMFÍ.
Skýrsla fráfarandi formanns
Formaður félagsins, Helgi Jóhann-
esson, hrl., gerði grein fyrir skýrslu
stjórnar og ræddi m.a. fjölgun
félagsmanna og þann mikla áhuga
sem væri á námskeiði til öflunar
hdl.-réttinda. Þá gerði Helgi að
umtalsefni að málum hefði fækkað
sem lögð væru fyrir úrskurðarnefnd
lögmanna. Væri það af hinu góða og
vonandi v ísbending um góð
vinnubrögð lögmanna. Benti Helgi
jafnframt á mikilvægi þess að í
nefndum sætu góðir lögmenn og að
málsmeðferð tæki ekki of langan
tíma. Öflugt innra eftirlitskerfi væri
mikilvægt til að halda trausti út á við.
Helgi benti einnig á mikilvægi
laganefndar og tók sérstaklega fram
að álit nefndarinnar um laga frum-
vörp hefðu verið mjög vönduð.
Helgi vék að því að á starfsárinu hafi
skorist í odda á milli innanhúss-
lögmanna og annarra lögmanna.
Fram hafi komið áleitnar spurningar
um það hvort bankar væru að selja
lögfræðiþjónustu sem ekki væri
greiddur virðisaukaskattur af. Hafi
félagið sent fyrirspurn til skatt yfir-
valda en svör þeirra hafi því miður
engu skilað. Taldi Helgi það rétt-
lætismál að samkeppnis sjón armið
væru látin gilda og ítrekaði að félagið
vildi að skatta yfirvöld könnuðu
málið. Hvatti hann nýja stjórn til að
halda þessari baráttu áfram.
Helgi þakkaði Hrafnhildi Stefáns-
dóttur, fráfarandi ritstjóra Lög manna-
blaðsins, fyrir gott og óeigin gjarnt
starf í þágu félagsins. Hafi blaðið verið
fjölbreytt og metn aðarfullt í hennar
tíð. Helgi kom því næst inn á hina
reglulegu samráðs fundi félagsins með
dómsmála ráðuneyti, Dómstólaráði
og Dóm ara félaginu sem eru afar
gagn legir. Nýlega hafa verið kynntar
hug myndir um breytingar á því með
hvaða hætti ríkið kaupi lögmanns-
þjónustu, sem kollvarpa því kerfi sem
nú er við lýði. Lögmannafélagið sendi
á sínum tíma frá sér skýrslu þar sem
skýrð voru sjónarmið félags ins en efni
hennar virðist ekki hafa skilað sér inn
til ráðuneytisins og hug myndir, sem
félagið hafnaði á sínum tíma, eru
aftur komnar á borðið.
Helgi ræddi um erlend samskipti
félagsins og sagði ljóst að erlendis
væru lögmenn að glíma við sömu
álitamál og uppi væru hér á landi.
Virk skoðanaskipti og gagnkvæmur
lærdómur væri því mikilvægur
fyr i r fé lagið og að þátt taka
F.v. ingibjörg bjarnardóttir, bjarnveig Eiríksdóttir, Ásdís Rafnar, Sonja m. Hreiðarsdóttir, Hjördís E. Harðardóttir og
Katrín theodórsdóttir. að baki ingibjörgu sést í Evu b. Helgadóttur.
Aðalfundur LMFÍ
Helgi jóhannesson fráfarandi
formaður LmFÍ.