Lögmannablaðið - 01.06.2008, Blaðsíða 9
Í júníbyrjun kom út ritið Hjúskapar- og sambúðarréttur
eftir Ármann Snævarr fyrrverandi lagaprófessor á
vegum Bókaútgáfunnar CODEX. Ritið er um 1100
blaðsíður að lengd og verður að líkindum grundvallarrit
á þessu fræðasviði lögfræðinnar, þar sem heildstætt rit
hefur skort. Eru vonir bundnar við að ritið muni nýtast
vel við kennslu í lagadeildum háskólanna sem og
lögfræðingum, lögmönnum og dómurum í störfum
þeirra að þessum málaflokki.
Ármann Snævarr tók við fyrsta eintakinu af ritinu í
útgáfuhófi sem haldið var honum til heiðurs 6. júní sl.
Var þar fjöldi manna saman kominn til að heiðra hinn
aldna höfund, en Ármann er fæddur á Nesi í Norðfirði,
S-Múlasýslu, 18. september 1919, og er því 88 ára
gamall. Er til efs að svo aldraður maður hafi áður gefið
út sambærilegt grundvallarrit í fræðigrein á Íslandi. Nú
eru 60 ár liðin síðan Ármann hóf að kenna sifjarétt við
Háskóla Íslands en hann var prófessor við deildina á
árabilinu 1948-1973. Þá var hann rektor Háskólans
1960- 1969, og loks dómari við Hæstarétt Íslands á
árunum 1972-1984. Ármann hefur á ferli sínum ritað
fjölmörg mikilsverð rit og greinar á sviði lögfræði, eins
og lögfræðingar þekkja.
Bókaútgafan CODEX var stofnuð árið árið 1987 af
Orator félagi laganema við Háskóla Íslands. Hún er
sjálfseignarstofnun og starfar samkvæmt samþykktri
skipu lagsskrá. Frá stofnun útgáfunnar hafa tugir rita
verið gefnir út og er bókaútgáfan í fararbroddi hvaða
varðar útgáfu á sviði lögfræði hérlendis.
Ný bók eftir Ármann Snævarr
Fulltrúar bókaútgáfunnar Codex afhenda Ármanni
Snævarr fyrsta eintakið af bókinni Hjúskapar og
sambúðarréttur. F.v. arnar Þór Stefánsson, hdl., Ármann
Snævarr og barbara inga albertsdóttir, laganemi.
Kynntu þér námið á www.lagadeild.is
Hlutverk lagadeildar HR er að skapa og miðla þekkingu í
umhverfi sem hvetur til frumkvæðis, gagnrýninnar hugsunar og
vísindalegra vinnubragða og auka þannig lífsgæði og sam-
keppnishæfni í samfélaginu.
Lagadeild HR er brautryðjandi í nútímavæðingu laganáms hér á
landi, hvort sem litið er til skipulags námsins, kennsluaðferða
eða þeirra miklu krafna sem gerðar eru til nemenda á öllum
námsstigum.
Grunnnámið tekur 3 ár og að því loknu gefst nemendum kostur á
2ja ára framhaldsnámi til meistaraprófs í lögfræði.
LAGADEILD HR
NÝJAR ÁHERSLUR – MARKVISST NÁM – MEIRI MÖGULEIKAR
100 ára afmæli
Norska lögmannafélagið hélt upp á 100 ára afmæli
sitt í Osló með veglegri dagskrá dagana 29. til 31.
maí s.l. Formanni og framkvæmdastjóra Lögmanna-
félagsins var boðið til sérstakrar hátíðardagskrár
sem fram fór í ráðhúsi Oslóarborgar að kvöldi 31.
maí að viðstöddum rúmlega 600 innlendum og
erlendum gestum. Í tilefni af afmælinu færðu
fulltrúar Lögmannafélagsins norska félaginu
málverk að gjöf eftir Karolínu Lárusdóttur, mynd-
listar konu. Fyrr um daginn stóð norska félagið fyrir
alþjóðlegu málþingi í Nobel Peace Center þar sem
William H. Neukom, formaður American Bar
Asscociation, kynnti stofnun „World Justice Project“
sem eru ný þverfagleg alþjóðleg samtök sem ætlað
það hlutverk að styrkja grunvöll „Rule of Law“ í
heiminum. (Nánari upplýsingar um þetta verkefni
er að finna á slóðinni: www.abanet.org/wjp/) Einnig
hélt Cherie Booth (Blair) Q.C. afar athyglisverða
framsögu um hvernig hægt væri að samtvinna
vinnu og einkalíf. Hátíðarhöldin voru mjög vel
heppnuð í alla staði og veðrið lék við hátíðargesti.