Lögmannablaðið - 01.06.2008, Blaðsíða 16
16 < LÖGMANNABLAÐIÐ – 4 / 2007
Á málstofunni f jöl luðu þeir
Aðalsteinn E. Jónasson hrl., Tómas
Eiríksson hdl. og Hlynur Jónsson
hdl. um innleiðingu og áhrif MiFID
tilskipunarinnar á íslenskan rétt.
Framsögumennirnir nálguðust efnið
frá ólíkum hliðum. Aðalsteinn fór
yfir þau áhrif sem þessi innleiðing
hefur á aðra þjónustuaðila en
fjármálafyrirtæki en Tómas fjallaði
um áhrif þess á fjármálafyrirtæki.
Hlynur fjallaði síðan um áhrif
innleiðingarinnar út frá sjónarhorni
Fjármálaeftirlitsins.
Í máli Aðalsteins kom fram að
heimildir lögmanna til verðbréfa-
viðskipta eru víðtækari heldur en
þær voru í tíð eldri laga. Er
lögmönnum heimilt að stunda án
leyfis alla þá þjónustu sem fram
kemur í 1. gr. laga nr. 108/2007 um
verðbréfaviðskipti. Skilyrði þau sem
lögmenn verða að uppfylla eru að
um sé að ræða tilfallandi þjónustu
og að hún sé eðlilegur þáttur í
víðtækari þjónustu lögmannsins við
umbjóðanda sinn, sbr. 6. tl. 1. mgr.
3. gr. laga nr. 161/2002 um fjár-
málafyrirtæki. Túlka yrði þessa
undanþágu, um hvað telst vera
tilfallandi þjónusta, þröngt og
verðbréfaþjónustan má ekki vera
aðalverkefnið heldur aðeins hluti af
stærra verkefni eins og t .d.
búskiptum.
Tómas velti fyrir sér hvort þessar
reglur myndu auka skriffinnsku og
virka letjandi á almenna fjárfesta
eða hvort þetta regluverk muni auka
tiltrú þeirra á fjármálamörkuðunum.
Í umfjöllun sinni um „bestu fram-
kvæmd“ kom fram að Kaupþing
banki hf. er með sérstakt kerfi
„Front Arena“ til að ákvarða bestu
framkvæmd hverju sinni.
Bæði Tómas og Aðalsteinn fjölluðu
um fjárfestingarráðgjöf fyrirtækja-
ráðgjafar gagnvart MiFID. Kom þar
fram að ef ráðgjöfin felur í sér
persónulega ráðleggingar til við-
skiptavinar í tengslum við tiltekna
fjármálagerninga þá fellur hún undir
MiFID.
Í máli Hlyns kom fram að heimildir
Fjármálaeftirlitsins í kjölfar inn leið-
ingarinnar myndu aukast og
verkefnum fjölga. Hann fjallaði um
TRS sem er nýtt upplýsinga- og
eftirlitskerfi en hér á landi var farin
sú leið að notast við viðskiptanúmer
sem Hlynur taldi að myndi takmarka
gagnsemi kerfisins. Urðu umræður
um hvort eðlilegt hefði verið að
auðkenna viðskiptamenn eftir
kennitölu eins og sum Norður-
landanna hafa gert.
Af máli framsögumannanna má
vera ljóst að með innleiðingu
þessara reglna mun ýmislegt breyt-
ast er varðar viðskipti á verð-
bréfamarkaði og við túlkun íslensku
reglnanna yrði að horfa til fram-
kvæmdar reglnanna í Evrópu.
Karl Óttar Pétursson hdl.
aðalsteinn E. jónasson
Málstofa III – Ný heildarlöggjöf um verðbréfaviðskipti