Lögmannablaðið - 01.03.2009, Blaðsíða 16

16 < LÖGMANNABLAÐIÐ – 4 / 2008
Úrskurðarnefnd lögmanna greiðir úr
ágreiningi sem skapast um störf
lögmanna og kveður upp árlega milli
20­25 úrskurði. Í fimm nýlegum
úrskurðum var fundið að störfum
lögmanna en nefndin vísaði einu máli
frá á þeim grundvelli að kæra laut að
athöfnum eða háttsemi einstaklings
sem var ekki með virk lögmannsréttindi
og féll utan lögboðins valdsviðs nefnd­
arinnar.
Í þeim erindum sem úrskurðar nefndinni
berast gera kærendur gjarnan kröfu um
skaðabætur eða endurgreiðslu kostn­
aðar frá hinum kærða lögmanni.
Úrskurðarnefndin á ekki aðra kosti en
að vísa slíkum kröfum frá enda fellur
það utan lögbundins valdsviðs hennar.
Úrskurðir úrskurðarnefndar lögmanna
eru birtir í heild sinni á heimasíðu
félagsins en hér verður fjallað um þá
fimm úrskurði þar sem fundið var að
störfum lögmanns.
Mat á hæfilegu endurgjaldi
og mikilvægi tímaskýrslu
Í máli þar sem kvartað var yfir starfs­
aðferðum lögmanns í tengslum við
rekstur dómsmáls fyrir kæranda hafði
lögmaður krafið kæranda um alls
1.545.200 krónur fyrir lögmanns þjón­
ustu, auk dráttarvaxta og kostnaðar, að
frádregnum 800.000 krónum sem höfðu
verið greiddar inn á verklaun lög­
manns ins. Í úrskurði nefndarinnar er
rakið hvernig tímaskráningu lög manns­
ins var háttað ásamt því að meta eðli og
umfang starfsins með því að fara yfir
þau gögn sem tengdust mála­
rekstrinum. Taldi nefndin það m.a.
gagnrýnivert að tímaskýrsla lögmanns­
ins veitti aðeins takmarkaðar upp­
lýsingar um þau verkefni sem lög­
maðurinn sinnti fyrir kæranda og fáum
gögnum væri til að dreifa sem gætu
varpað ljósi á eðli og umfang starfa
lögmannsins. Nefndin taldi því hæfilegt
endurgjald vera 800.000 krónur með
virðisaukaskatti.
Úrskurðarnefndin fann einnig að þeirri
háttsemi lögmannsins að svara seint
ítrekuðum tilmælum nefndarinnar um
að gera grein fyrir máli sínu en hann
dró það í rúma fimm mánuði umfram
upphaflegan frest. Svör lög mannsins
voru einnig talin ófull nægjandi enda
voru þar engar skýringar gefnar um
umkvörtunarefni kæranda en látið
nægja að vísa kröfugerð hans á bug.
Aðfinnsluverð fullyrðing
lögmanns
Sjálfstætt starfandi sérfræðingur kærði
lögmann fyrir að vega mjög harkalega
að starfsheiðri sínum í bréfi til sín.
Sérfræðingurinn taldi hátterni lög­
mannsins hafa verið ósæmilega,
dónalega og klámfengna þannig að
gengið hefði út yfir öll mörk almennrar
siðsemi og þau mörk sem lögmannalög
og siðareglur lögmanna setja.
Sérfræðingurinn hafði unnið greinar­
gerð fyrir tryggingafélag um hvort það
Umfjöllun
Fundið að störfum lögmanna
Úrskurðarnefnd fundar reglulega í húsakynnum LmFÍ. F.v. marteinn másson, starfsmaður úrskurðarnefndar, Kristinn bjarnason,
hrl., gestur jónsson, hrl. og formaður og Einar gautur Steingrímsson, hrl.