Lögmannablaðið - 01.03.2010, Blaðsíða 8
8 < LÖGMANNABLAÐIÐ – 1 / 2010
Athygli vakti að mikill minnihluta lögmannsstofa nýtir sér vefgreiningu
á vefsíðum sínum. Með vefgreiningu má greina hvaðan gestir á
vefsíðunni koma, hvaða efni síðunnar er mest skoðað, hvaða aðgerðir
notendur hafa framkvæmt, hversu lengi þeir dvelja á síðunni o.s.frv.
Vefgreining er öflugt tæki til að meta á hvað ber að leggja áherslu á
vefsíðunni hverju sinni.
Það er varla hægt að kasta fram umfjöllun sem þessari nema koma
með ábendingar um hvernig vel má gera. Notendur gera miklar kröfur
til vefsíðna í dag og rannsóknir sýna að notendur nota leit í auknum
mæli við að hjálpa sér að finna upplýsingar. Það er því mikilvægt fyrir
fyrirtæki að síður þeirra séu vel sýnilegar á helstu leitarvélum og hefur
Google lang hæstu markaðshlutdeildina á Íslandi. Til að skora hátt í
niðurstöðum á leitarvélum þarf að huga að mörgum þáttum en
skynsamlegast er að leggja áherslu á að grunnurinn sé góður og þar
skiptir efni síðunnar, síðutitlar og lesanlegar slóðir miklu máli ásamt því að vefforritun fylgi viðurkenndum stöðlum. Best er
að halda sig við viðteknar venjur í uppsetningu og framsetningu vefsíðna en það þýðir alls ekki að vefsíðan þurfi að vera
líflaus og óáhugaverð. Ef skoðaðar eru vefsíður 10 stærstu lögfræðistofa í Bretlandi þá má ýmislegt læra af þeim og eru t.d.
fyrirtækin Linklaters, DLA Piper, Norton Rose og Slaughter and May að gera áhugaverða hluti.
Með aukinni þátttöku notenda á svokölluðum
samfélagsmiðlum er einnig nauðsynlegt að
fylgjast með orðspori fyrirtækisins svo hægt sé
að bregðast við neikvæðri umfjöllum sem
skaðað gæti fyrirtækið. Íslensk fyrirtæki eru
byrjuð að feta sín fyrstu skref með þátttöku á
slíkum miðlum og eru nokkur fyrirtæki að
standa sig vel í þeim málum t.d. flugfélögin
Icelandair og Iceland Express, símafyrirtækin
Síminn og Nova og Íslandsbanki svo einhver
séu nefnd.
Íslendingar eru líka óðum að tileinka sér
farsímavefi í auknum mæli. Við gerð
farsímavefja er nauðsynlegt að huga að því að
í þeim tilfellum er viðskiptavinurinn líklega
staddur utan vinnustövar og að leita að
upplýsingum á borð við símanúmeri,
upplýsingum um tengilið eða staðsetningu.
Farsímavefir þurfa að taka mið af þessum
markmiðum notenda og setja fram þær
upplýsingar sem helst koma að gagni í þessum
tilfellum.