Lögmannablaðið - 01.03.2010, Blaðsíða 25

LÖGMANNABLAÐIÐ – 1 / 2010 > 25
Gönguferð á Herðubreið
Drottning fjallanna, sjálf Herðubreið,
verður viðfangsefni og áskorun ársins
2010 í gönguferð félagsins og ætlar
Haraldur Örn Ólafsson að leiða okkur
um þá krókóttu og bröttu stíga. Betra
þykir að ganga á fjallið síðla sumars og
því hefur laugardagurinn 21. ágúst verið
valinn. Farið verður með rútu frá
Akureyri klukkan 8:30 um morguninn.
Ganga á Herðubreið tekur um sex
klukkustundir og er áætlað að koma
niður um kl. 18:00. Þá verður grillað og
gist í Þorsteinsskála í Herðubreiðar-
lindum. Lagt af stað kl. 12:00 á
sunnudegi til Akureyrar og er áætlaður
komutími þangað kl. 14:30. Þátt-
takendur sjá sjálfir um að koma sér til
Akureyrar en þeir sem vilja geta tekið
áætlunarflug frá Reykjavík til Akureyrar
á laugardagsmorguninn kl. 7:45 og
verða sóttir á flugvöllinn kl. 8:30.
Athugið að ganga á Herðubreið er erfið
enda fjallið bratt og hættulegt á köflum.
Lofthræddir þurfa því að hugsa sig
tvisvar um og vegna hættu á grjóthruni
verður hópurinn að halda sig þétt
saman á ákveðnum svæðum. Krafa er
gerð til þátttakenda um að þeir komist
upp að steini á Þverfellshorni Esjunnar
á 65 mínútum.
Námsferð til Tallinn
Á öðrum stað í blaðinu er auglýst
námsferð til Tallinn í Eistlandi frá
miðvikudeginum 22. september til
mánudagsins 27. september. Tallinn er
ein fallegasta borg Evrópu með
borgarmúrum frá miðöldum og
gömlum bæjarhluta sem á engan sinn
líka. Saga Eistlands er dramatísk enda
hafa þeir löngum búið við ofríki
nágranna sinna. Flogið verður til Tallinn
með millilendingu í Stokkhólmi. Á
fimmtudeginum er skipulögð ferð um
borgina og föstudeginum verður varið
að mestu í faglega dagskrá. Á laugar-
deginum verður dagsferð út úr borginni
og farið í þjóðgarð Eistlendinga meðal
annars. Um kvöldið verður hátíðar-
kvöldverður á miðaldaveitingastað sem
þykir afar skemmtilegur. Sunnu-
dagurinn er ekki skipulagður en siglt
verður til Helsinki snemma á mánu-
dagsmorguninn og svo flogið heim
síðar um daginn.
Námskeið vorannar
14 námskeið eru haldin á vorönn 2010
en að jafnaði eru þau tíu til tólf á önn.
Ástæðan er sú að á síðasta ári voru
námskeið félagsins óvenju vel sótt og
það hleypti okkur kapp í kinn við
skipulagninguna. Námskeiðin hófust
strax um miðjan janúar með skiptum
dánarbúa, lögerfðareglum, erfðaskrám
og öðrum erfðagerningum sem
Steinunn Guðbjartsdóttir hrl. kenndi.
Svo var námskeið í nýjum skattareglum
með Jóni Elvari Guð mundssyni hdl. og
slitameðferð fjáramálafyrirtækja með
Halldóri H. Backman hrl. Ása
Ólafsdóttir hrl. kenndi tvö námskeið
um nýju greiðslu aðlögunarlögin, annars
vegar fyrir starfsfólk lögmannsstofa og
hins vegar fyrir starfandi lögmenn. Svo
var haldið námskeið í skattalegri
meðferð dánar búa og þrotabúa sem
Guðmundur Skúli Hartvigsson hdl.
kenndi. Öll þessi námskeið voru vel
sótt en fella þurfti niður námskeið í
Evrópu- og EES rétti. Einungis eitt
námskeið var haldið í marsmánuði,
vitna- og aðilaskýrslur fyrir dómi þar
sem dr. Jón Friðrik Sigurðsson,
yfirsálfræðingur á geðsviði Landspítala
og prófessor kenndi ásamt Sigurði
Tómasi Magnússyni hrl. og Kristínu
Edwald hrl. Þar var brugðið á leik og
sett upp drama til að þátttak endur
upplifðu hvernig best væri að fá vitni til
að tjá sig um staðreyndir og hve mikið
væri að marka framburð vitna.
Næstu námskeið eru: Húsbónda-
ábyrgð í skaðabótarétti og mörk hennar
sem Hákon Árnason hrl. kennir 8.apríl,
Kynferðisbrot sem Guðrún Sesselja
Arnardóttir hrl. og Svala Ólafsdóttir,
lögfræðingur kenna 14. apríl, Fjárhags-
leg endurskipulagning fyrirtækja sem
Ólafur Reynir Guðmundsson lögfræð-
ingur kennir ásamt Kristni Sigtryggssyni
endurskoðanda 20. apríl og Auðgunar-
brot sem Björn Þorvalsson saksóknari
kennir 18. maí. Einnig verða tvö nám-
skeið til gamans og skemmtunar; Tíu
sérvaldin tónverk, ostar og vín sem
Ólafur Reynir Guðmundsson lögfræð-
ingur og píanóleikari kennir 16. apríl og
Jarðfræði út um bílgluggann sem
Sigríður Petra Friðriksdóttir, jarðfræð-
ingur kennir 20. maí.
Fréttir frá félagsdeild
Eyrún Ingadóttir
Herðubreið og Tallinn