Lögmannablaðið - 01.03.2010, Blaðsíða 31
LÖGMANNABLAÐIÐ – 1 / 2010 > 31
og meðalstórra þrotabúa, einkum nú eftir
hrun. Að síðustu var því velt upp hvort
fyrirtækjamenning væri það karllæg að
konum liði ekki eins vel á vinnustaðnum
og vænta mætti. Engum blöðum er um
það að fletta að lögmannastéttin hefur til
skamms tíma talist meðal helstu
karlastétta samfélagsins. Ljóst er þó að
miklar breytingar hafa átt sér stað í
stéttinni frá því t.d. að frumkvöðlarnir
Auður Þorbergsdóttir, Ragnhildur
Helgadóttir og Guðrún Erlendsdóttir
voru að stíga sín fyrstu spor í lögmennsku
á Íslandi en þær voru heiðraðar á
eftirminnilegum fundi FKL 16. mars 2007
og sögðu af því tilefni frá reynslu sinni úr
starfi.
Þörf rannsókna á eðli,
aðstöðu og þróun
vinnuumhverfis
Af þeirri umræðu sem fram fór á
fundinum má ráða að fjölda spurninga er
enn ósvarað og væri verðugt að athuga til
dæmis ástæður þess að aukning
útskrifaðra kvenna úr lagadeildum
háskólanna skili sér ekki betur í raðir
félagsmanna LMFÍ. Hér þarf að kanna
hvort kerfislægar ástæður hafi áhrif eins
og tiltekin viðhorf innan stéttarinnar eða
starfsmenning fyrirtækjanna. Bandarískar
kannanir hafa sýnt að á vinnustöðum þar
sem karlar eru í meirihluta hafa konurnar
kvartað yfir því að erfitt sé að koma til
móts við ríkjandi hæfiskröfur þar sem
mismunandi kröfur séu gerðar til
kynjanna og minna svigrúm sé fyrir
konurnar til að misstíga sig. Skoða verður
hvort möguleikar kvenna í lögmennsku
til frama innan síns starfssviðs og
vinnustaðar ákvarðist af hæfni þeirra eða
öðrum gildum svo og hvort og hvernig
aðrar stofnanir samfélagins hafi áhrif á
starfsumhverfið. Við nýlegri fyrirspurn á
Alþingi kemur til dæmis fram að ekki var
farið að jafnréttislögum við skipun
skilanefnda Landsbankans, Glitnis og
Kaupþings banka af hálfu ríkisvaldsins
og Fjármálaeftirlitsins og látið hjá líða að
beina þeim tilmælum til þeirra aðila sem
nefndirnar skipa að fara að jafnréttislögum
við skipan í stjórnir fyrirtækja og
dótturfyritækja.
Skoða verður hvort tryggt sé að kynin
sitji við sama borð við úthlutun þrotabúa
eða hvort önnur sjónarmið ráði úthlutun
þeirra. Athuga þarf hvort takmörkun
gjafsóknar eða lækkun þóknunar til
verjenda- og réttargæslumanna komi
mismunandi við starfandi lögmenn eftir
kynferði og hvort kyn lögmanns hafi áhrif
á ákvörðun dómara um þóknun til þeirra.
Skortur á faglegum rannsóknum kemur í
veg fyrir að unnt sé að svara þeim
spurningum sem hér hefur verið varpað
fram með nægilegri vissu. Margir hafa
haldið því fram að konur séu almennt
vannýtt auðlind í íslensku samfélagi. Á
sama tíma hefur verið viðurkennt að
bestu stjórnirnar samanstanda af báðum
kynjum; - konur sjái hlutina öðruvísi en
karlar og þær standi fyrir öðrum gildum
en þeir.
Katrín Theodórsdóttir formaður Félags
kvenna í lögmennsku.
F.v. Helga Leifsdóttir, guðlaug b. ólafsdóttir, bjarnveig Eiríksdóttir, ingibjörg bjarnardóttir, Helga maría Pálsdóttir, ingibjörg
björnsdóttir, Þyrí Halla Steingrímsdóttir, Þorbjörg inga jónsdóttir, berglind Svavarsdóttir, Vigdís ósk Sveinsdóttir, margrét
gunnlaugsdóttir, Katrín theodórsdóttir, Hildur Friðleifsdóttir og ...???
Hafdís jónsdóttir, formaður félags
kvenna í atvinnurekstri, fjallaði um konur
í stjórnum fyrirtækja og mikilvægi þess
fyrir fyrirtæki og samfélagið að einsleitni
í stjórnum líði undir lok.