Lögmannablaðið - 01.12.2014, Blaðsíða 8
8 LÖGMANNABLAÐIÐ TBL 04/14
UMFJÖLLUN
og/eða lögmannsstofa gætir hagsmuna
þeirra, þá greiði það aldrei hærra hlutfall
af vátryggingarfjárhæð málskostnaðar
en sem nemur 80% af fjöldanum 515,
65% ef vátryggðir eru 1630 og þar fram
eftir götum. Að sögn Guðríðar Önnu
Kristjánsdóttur er þetta ákvæði sett til
að lögmenn hugi að því að sameina
mál þar sem það á við með hagsmuni
allra að leiðarljósi.
Gildistími
Málskostnaðartrygging þarf að hafa
verið í gildi í a.m.k. tvö ár til að
málskostnaður verði greiddur með þeirri
undantekningu að ef hinn vátryggði
hefur haft sams konar tryggingu hjá
öðru félagi áður fær hann hana reiknaða
sér til góða. Ef vátryggður hefur ekki
lengur málskostnaðartryggingu þegar
ágreiningur kemur upp getur hann þrátt
fyrir það fengið málskostnað greiddan
úr vátryggingu ef hún hefur verið í
gildi þegar atburðir, sem atvik liggja til
grundvallar kröfunni, gerðust og ekki
eru liðin fjögur ár frá honum.
Hvað ber lögmanni að gera?
Þegar lögmaður tekur að sér mál ber
honum að tilkynna það tryggingafélaginu
áður en frekar er aðhafst í því. Ef málið
þolir ekki bið getur hann þó beitt sér í
því áður. Tryggingafélögin sem haft var
samband við sögðu að almennt væru
tilkynningar vel unnar hjá lögmönnum
með örfáum undantekningum. Helst
væri misbrestur á því að þeir tilkynntu
málið strax í upphafi eins og skilmálar
kveða á um.
Hvað bætir
málskostnaðartrygging?
Tryggingafélögin greiða þóknun
lögmanns, kostnað við öflun álitsgerða
ef lögmaður biður um hana áður en
til dómsmáls kemur eða augljóst sé
að dómur verði ekki lagður á mál án
hennar, kostnað við leiðslu vitna eða
aðra sönnunarfærslu fyrir dómstólum,
réttargjöld, málskostnað sem vátryggður
er dæmdur eða úrskurðaður til að greiða
gagnaðila af dómstóli við lok máls,
málskostnað sem vátryggður tekur á
sig með dómsátt að greiða gagnaðila
ef augljóst er að dómstóll hefði dæmt
hann til að greiða hærri málskostnað ef
dómur hefði gengið.
Ca 70% skjólstæðinga með
málskostnaðartryggingu
Málskostnaðartrygging gildir vegna
gengislánamála sem hafa verið
höfðuð fyrir dómstólum. Jóhannes
S. Ólafsson hdl., hefur mikið sinnt
ágreiningsmálum í tengslum við gengis
lán vegna bifreiðakaupa og sagði u.þ.b.
70% skjólstæðinga sinna vera með
málskostnaðartryggingu: „Í upphafi
höfnuðu tryggingafélögin því að þessi
tegund mála félli undir trygginguna
af þeirri ástæðu að tryggingin tæki
ekki til mála sem varða vátryggðan
sem eiganda vélknúins faratækis en
úrskurðarnefnd vátryggingamála komst
hins vegar að þeirri niðurstöðu að þar
sem réttarlegur ágreiningur takmarkaðist
við endurútreikning lánasamnings teldist
málskostnaðartrygging virk. Eftir það
féllust tryggingafélögin á það eitt af öðru
að tryggingin gilti í þessum svokölluðu
gengislánamálum einstaklinga,“ sagði
Jóhannes.
Hvað bætir
málskostnaðartrygging ekki?
Vátryggður fær ekki bætur vegna
eigin vinnu, tekjuskerðingar, ferða
og dvalarkostnaðar, fullnustu dóms,
úrskurðar eða sáttar, aukakostnað ef
fengnir eru fleiri lögmenn eða skipt
er um lögmann eða aukakostnað ef
vátryggður eða lögmaður hans gerist
sekur um vanrækslu í málarekstrinum.
Þá greiðir félagið ekki ef vátryggður
gefur frá sér möguleika að innheimta
málskostnað frá mótaðila með eða án
málsóknar.
Anton Björn Markússon hrl.
Davíð Örn Sveinbjörnsson LL.M. | lögfræðingur
Fanney Finnsdóttir lögfræðingur
Guðmundur Siemsen hdl.
Gunnlaugur Úlfsson hdl.
Hrafnhildur Kristinsdóttir hdl.
Jóhanna Katrín Magnúsdóttir hdl.
Jón Ögmundsson JD | hdl.
Kristinn Hallgrímsson hrl.
Linda Fanney Valgeirsdóttir hdl.
Margeir Valur Sigurðsson lögfræðingur
Ragnheiður Þorkelsdóttir hdl.
Sigrún Helga Jóhannsdóttir hdl.
Sigurður Valgeir Guðjónsson hdl.
Snorri Stefánsson hdl.
Stefán Þór Ingimarsson LL.M. | hdl.
Telma Halldórsdóttir MA | hdl.
Valgerður B. Eggertsdóttir LL.M. | hdl.
Suðurlandsbraut 18
108 Reykjavík
Iceland
Sími/tel (+354)520 2050
Fax (+354)552 2050
advel.is
lögmenn
ADVEL LÖGMENN ERU