Lögmannablaðið - 01.12.2014, Blaðsíða 17

UMFJÖLLUN
FKL hélt þá ráðstefnuna „Kvenlög­
fræðingar í fortíð, nútíð og framtíð“
í upphafi ársins 2007 á Hótel Sögu.
Var hún að öðrum þræði haldin til
þess að heiðra þrjá brautryðjendur
kvenlögfræðinga; Auði Þorbergsdóttur
fv. héraðsdómara, Guðrúnu Erlends­
dóttur fv. hæstaréttardómara og
Ragnhildi Helgadóttur fv. ráðherra
og alþingismann. Auður, Guðrún og
Ragnhildur litu yfir farinn veg, sögðu frá
háskólanámi sínu og því sem við tók á
atvinnumarkaðinum þar sem karlar höfðu
verið einráðir. Brynhildur Flóvenz fjallaði
þá um einkenni kvennaréttar og áhrif
kvenna á lögfræði og lagaframkvæmd.
Við tók Þorbjörg Gunnlaugsdóttir
lögfræðingur sem fjallaði um stöðu
nútímakonunnar. Ráðstefnunni lauk
með pallborðsumræðum, móttöku og
sameiginlegum kvöldverði.
Í marsmánuði 2011 stóð FKL fyrir
málþingi í ráðhúsi Reykjavíkur um Auði
Auðuns, sem fyrst kvenna útskrifaðist
frá lagadeild Háskóla Íslands og gegndi
embætti borgarstjóra og ráðherra.
Málþingið bar yfirskriftina: „Auður
Auðuns, frumkvöðull og fyrirmynd –
aldarminning.“ Framsögukonur voru
Hanna Birna Kristjánsdóttir, þv. forseti
borgarstjórnar, Ragna Árnadóttir, þv.
skrifstofustjóri, Þóranna Jónsdóttir
framkvæmdastjóri, Guðrún Sesselja
Arnardóttir hrl. og Guðrún Erlendsdóttir
fv. hæstaréttardómari.
Í nóvember 2014 stóð FKL þá fyrir
10 ára afmælishátíð að Hannesarholti.
Stjórn FKL tók saman efni af ýmsum
toga fyrir rafrænt afmælisfréttabréf FKL
sem sent var til kvenna í lögmennsku í
tilefni afmælisins, en efnið má nú finna
á heimasíðu félagsins. Á viðburðinum
héldu frú Vigdís Finnbogadóttir, fv.
forseti Íslands, Ingibjörg Benediktsdóttir
fv. hæstaréttardómari og Þórunn
Guðmundsdóttir hrl. og fv. formaður
LMFÍ skemmtileg erindi. Var viðburðinn
vel heppnaður og komust færri að en
vildu. Kann FKL öllum þeim fyrirtækjum
sem félagið styrktu vegna afmælisins
bestu þakkir.
Samstarf fagfélaga kvenna
FKL hefur allt frá stofnun félagsins
átt í góðu samstarfi við Félag kvenna
í læknastétt, kvennanefnd Verk fræð­
ingafélagsins, Félag kvenna í endur­
skoðun og Félag prestvígðra kvenna.
Fyrsti sameiginlegi fundur félaganna
var þannig haldinn í október 2004 hjá
LOGOS, þar sem Þórdís Sigurðardóttir,
framkvæmdastjóri Stjórnendaskóla
HR, hélt erindið: „Tengsla net – hver er
tilgangurinn?“
Á árunum 2005­2006 vöktu fag­
félögin athygli á lágu hlutfalli kvenna í
stjórnum félaga á hlutabréfamarkaði og
Frú Vigdís Finnbogadóttir.
Ásar – þýðingar og túlkun slf
Eftirfarandi þýðendur og túlkar starfa innan vébanda Ása – þýðinga og túlkunar slf:
Ellen Ingvadóttir, lögg. dómtúlkur og skjalaþýðandi
Bjarni Gunnarsson, lögg. dómtúlkur og skjalaþýðandi
Niels Rask Vendelbjerg, lögg. dómtúlkur og skjalaþýðandi
Matthías M. Kristiansen, þýðandi
Daniel D. Teague, skjalaþýðandi
Gísli S. Ásgeirsson, þýðandi
Almennar og löggiltar þýðingar, dóm- og ráðstefnutúlkun, textaráðgjöf.
Aðili að rammasamningi Ríkiskaupa (RK-14.10).
Ásar – þýðingar og túlkun slf » Skipholti 50b » sími: 562-6588 » netf: ellening@simnet.is
Gleðileg jól
Nýtt þýðingafyrirtæki á gömlum grunni!
Þýðingar og textaráðgjöf verður