Lögmannablaðið - 01.12.2014, Blaðsíða 18
UMFJÖLLUN
í lífeyris sjóðum. Fjölmiðlum voru þannig
kynntar tölur sem félögin tóku saman
og höfðað var til þeirra sem komu að
vali á stjórnarmönnum í félögum og
sjóðum um að bæta kynjahlutföll. Miklar
umræður urðu í samfélaginu um málið
í kjölfarið. Sameiginlegur fundur var
haldinn hjá LOGOS þar sem Lisa Levey
hélt erindi, en hún var stödd á Íslandi
í boði stjórnvalda og Viðskiptaráðs í
tengslum við starf nefndar um aukinn
hlut kvenna í yfirstjórnum fyrirtækja.
Þá stóðu fagfélögin saman um að
senda áskorun á stjórnir félaga á
aðallista Kauphallar Íslands og aðilum
vinnumarkaðarins um að auka hlut
kvenna í stjórnum fyrirtækja og
lífeyrissjóða. Var bréfunum fylgt eftir
með samtölum og fundum.
Á árunum 20072011 héldu fagfélögin
árlega sameiginlega fundi. Fundarefni
voru af ýmsu tagi, m.a. um jafnréttirmál
innan Háskóla Íslands, sýnileika kvenna
í mikilvægum störfum í fjölmiðlum og
um konur og völd. Á slíkum fundi
2010 var þá samþykkt ályktun þar
sem skorað var á íslensk stjórnvöld
að tryggja að hlutfall kvenna og karla
yrði jafnt við skipun í nefndir, ráð og
stjórnir á vegum ríkis og sveitarfélaga.
Fundurinn lýsti þá ánægju með ný lög
sem tryggja áttu jöfn hlutföll kynja í
stjórnir hlutafélaga. Á kvennafrídegi
2013, buðu Félag prestvígðra kvenna
og Félag kvenna í læknastétt fagfélögum
kvenna til frú Agnesar Sigurðardóttur,
fyrsta kvenbiskups Íslands. Fagfélögin
eiga nú með sér samstarf um næsta
viðburð, sem áætlað er að haldinn verði
árið 2015.
Námskeið FKL
FKL hefur staðið fyrir og stuðlað að
framboði fjölda námskeiða frá stofnun
félagsins, meðal annars í samstarfi við
LMFÍ. Þannig hefur FKL staðið fyrir
námskeiðum sem varða markvissa
framsögn, þjálfun í framsækni,
samskipti við fjölmiðla og stjórnarsetu
í fyrirtækjum.
Íþróttastarf FKL
Stjórn FKL hóf árið 2006 að standa
fyrir reglulegum gönguferðum. Frá
2011 hafa félagskonur að jafnaði árlega
farið í eina til tvær léttar göngur eftir
vinnu, önnur þeirra iðulega í kringum
Jónsmessuna. Þannig hefur verið
gengið í Elliðaárdalnum, á Helgafell í
Hafnarfirði, Úlfarsfell og ósjaldan á Esju.
Vaskar FKL konur héldu þá í sjósund
með fulltingi Sivjar Friðleifsdóttur á árinu
2010, og árin 20112012 sendi FKL lið
kvenna til þátttöku í innanhússmóti
LMFÍ í knattspyrnu. Þótti það fréttnæmt,
enda í fyrsta sinn í sögunni sem konur
skipuðu lið í hinu margrómaða móti
lögmanna. Á síðustu árum hefur FKL þá
staðið að skipulagningu golfnámskeiða,
með það að markmiði að vekja áhuga
kvenna enn frekar á íþróttinni. Þannig
stóð FKL stóð fyrir átakinu „Allar á
völlinn“ síðastliðið sumar, golfhópur
var stofnaður á Facebook og golfmót
FKL haldið í fyrsta sinn.
Alþjóðlegt samstarf kvenna í
lögmennsku
FKL var um skeið, eða til ársins 2011, aðili
að Evrópusamtökum kvenlögfræðinga
(e. EWLA) sem stofnuð voru árið 2000.
Sóttu félagar FKL ráðstefnur á vegum
samtakanna og tók FKL virkan þátt
í undirbúningi ráðstefnu EWLA sem
haldin var hér á landi árið 2009. Á árinu
2014 átti FKL þá í fyrsta sinn samstarf
við systurfélög og lögmannafélög á
Norðurlöndum vegna verkefna er
varða stöðu kvenna í lögmennsku.
Afrakstur þess samstarfs og um stöðuna
á Norðurlöndum má sjá á heimasíðu FKL
þar sem finna má greinar viðkomandi
félaga í Noregi, Danmörku og Svíþjóð.
Samantekt stjórnar FKL byggir á
fundargerðum og skýrslum stjórnar,
viðtölum við fyrrum stjórnarkonur,
ársskýrslum LMFÍ og greinum sem
birst hafa m.a. í Lögmannablaðinu eftir
Eyrúnu Ingadóttur. Athygli er vakin á því
að saga FKL er birt í heild á heimsíðu
félagsins, www.fkl.is.
Alþjóðlegt fyrirtækjanet
PwC er alþjóðlegt fyrirtækjanet sem
þjónustar fyrirtæki og stofnanirmeð
ráðgjöf á sviði skatta, lögfræði og
fjármála auk endurskoðunar.
pwc.is
Marta Margrét Rúnarsdóttir hdl.,
formaður Félags kvenna í lögmennsku.