Lögmannablaðið - 01.12.2014, Blaðsíða 20
20 LÖGMANNABLAÐIÐ TBL 04/14
Í SIÐAREGLUM LÖGMANNA (codex
ethicus) er sem kunnugt er að finna
margvísleg ákvæði um störf lögmanna
og samskipti þeirra innbyrðis. Öllum
er okkur lögmönnum hollt að rifja
reglulega upp ákvæði þessi. Hér verður
minnst á nokkur þeirra, en ekki er um
tæmandi umfjöllun að ræða.
Í I. kafla siðareglnanna er fjallað
um góða lögmannshætti almennt.
Samkvæmt 4. gr. má lögmaður ekki ljá
þeim nafn sitt eða lögmannsaðstoð, er
stunda vilja lögmannsstörf, en hafa ekki
til þess rétt að lögum. Þá má lögmaður á
engan hátt stuðla að því, að þeir er ekki
hafa lögmannsréttindi, fái unnið verk,
sem skulu lögum eða venju samkvæmt
aðeins unnin af lögmanni.
II. kafli fjallar um skyldur lögmanns
gagnvart skjólstæðingi sínum. Þar kemur
fram í 3. mgr. 8. gr. að lögmaður skuli
ekki taka að sér verkefni, sem hann veit
eða má vita að hann er ekki fær um að
sinna af kunnáttu og fagmennsku, nema
verkið sé unnið í samstarfi við hæfan
lögmann á viðkomandi sviði.
Í IV. kafla er að finna ákvæði um
samskipti lögmanna innbyrðis. Þar
kemur fram í 25. gr. að lögmenn skuli
hafa góða samvinnu sín á milli og sýna
hver öðrum fulla virðingu í ræðu, riti og
framkomu. Þeir skuli sýna hver öðrum
þá tillitssemi, sem samrýmanleg er
hagsmunum skjólstæðings. Samkvæmt
26. gr. má lögmaður ekki snúa sér
beint til aðila um málefni, sem annar
lögmaður fer með, án hans samþykkis,
nema brýn nauðsyn krefji. Ávallt skal
þá viðkomandi lögmanni þegar um
það tilkynnt. Ef aðili, sem falið hefur
mál sitt lögmanni, snýr sér sjálfur til
lögmanns gagnaðila um það mál, skal
lögmaður gagnaðila vísa aðila frá sér,
nema brýnar ástæður bjóði annað. Ávallt
skal þá viðkomandi lögmanni um það
tilkynnt.
Í 27. gr. siðareglnanna segir að
lögmaður megi einungis hafa uppi
gagnrýni á störf annars lögmanns á
málefnalegum grundvelli, og skuli
forðast að valda honum álitsspjöllum
umfram það, sem málefnið gefur ástæðu
til. Tekið er fram í 28. gr. að ef lögmanni
er falið verkefni, sem annar lögmaður
hefur áður sinnt, skuli hann ekki hefja
vinnu við það fyrr en hann hefur
fullvissað sig um að hagsmunagæslu
fyrri lögmannsins sé lokið eða verði
lokið án tafar. Lögmanni sé þó heimilt
að gera nauðsynlegar ráðstafanir til að
firra aðila réttarspjöllum. Þá kemur fram
í 33. gr. að lögmanni sé óheimilt að
áskilja sér úr hendi annars lögmanns
eða annars aðila sérstaka þóknun fyrir
að vísa skjólstæðingi til lögmannsins.
Lögmanni er einnig óheimilt að greiða
öðrum aðila sérstaka þóknun fyrir að
láta hann vísa skjólstæðingum til sín.
Fjallað er um lögmannsskrifstofu,
auglýsingar o.fl.í VI. kafla siðareglnanna.
Samkvæmt 38. gr. ber lögmaður
persónulega ábyrgð á lögmannsstörfum
sínum og fulltrúa sinna. Við firmanafn
lögmannsskrifstofu skal ávallt tilgreina
fullt nafn og starfstitil þess eða þeirra
lögmanna, sem hana eiga og ábyrgð bera
á lögmannsstörfum hennar. Firmanafn
lögmannsskrifstofu má ekki gefa í skyn
að þar sé veitt nein önnur þjónusta
en lögmanns og fasteignaþjónusta.
Lögmaður skal tilkynna stjórn LMFÍ
hverjir séu eigendur félags um rekstur
lögmannsstofu. Skal lögmaður sérstak
lega gæta þess, að óheimilt er að stunda
lögmannsstörf nema á skrifstofu, sem
rekin er af lögmanni, sbr. 19. gr. laga um
lögmenn, nr. 77/1998, nema undanþága
hafi verið veitt samkvæmt 12. gr.
laganna. Í 39. gr. segir að lögmanni sé
óheimilt að tilkynna til dómstóla eða
auglýsa aðra fulltrúa en þá, sem eru
starfandi á lögmannsskrifstofu hans.
Skylt sé lögmanni að tilkynna fulltrúa
sína til skrifstofu félagsins og gæta að
öðru leyti skyldna samkvæmt 11. gr.
laga um lögmenn.
Þá segir í 42. gr. að lögmaður megi
auglýsa og kynna þjónustu sína svo
sem samrýmist góðum lögmannsháttum.
Óheimilt sé lögmanni að veita rangar,
ófullnægjandi eða villandi upplýsingar
í auglýsingum eða með öðrum hætti,
svo og að afla sér viðskipta með
öðrum aðferðum, sem sama marki séu
brenndar.
PISTILL FORMANNS
Nokkur orð um störf
lögmanna og samskipti
þeirra innbyrðis
JÓNAS ÞÓR GUÐMUNDSSON HRL.
BBA // Legal Iceland // Reykjavík // Höfðatorg // bba.is
England // London // 23 Berkeley Square // bbalegal.co.uk
The team is praised as being very
resourceful in difcult situations and
providing outstanding value for money.
The Legal 500