Lögmannablaðið - 01.12.2014, Blaðsíða 30
30 LÖGMANNABLAÐIÐ TBL 04/14
Á LÉTTUM NÓTUM
Léttleikandi sambabolti
UTANHÚSSKNATTSPYRNUMÓT LMFÍ
var haldið 27. september síðastliðinn.
Mótið fór að þessu sinni fram á
gervigrasvelli Frammara í Úlfarsárdal
og þrátt fyrir að komið væri fram
á haust jöfnuðust veðurskilyrði til
knattspyrnuiðkunar þennan dag á við
góðan og bjartan dag að vori. Sól skein í
heiði og vindur var hægur. Ekkert var því
til fyrirstöðu að spilaður yrði léttleikandi
sambabolti meðal félagsmanna LMFÍ.
Alls skráðu fimm lið sig til keppni
þetta árið: CATO lögmenn, Járnsíða,
LEX, LOGOS og OPUS. Leikin
var einföld umferð í einum riðli á
tveimur völlum. Dómarar voru ekki
af verri endanum; Þorvaldur Árnason
milliríkjadómari og Pétur Guðmundsson
landsdómari.
Eftir mikla baráttu og mörg góð
tilþrif meðal leikmanna varð niðurstaða
riðlakeppninnar eftirfarandi:
Þrátt fyrir að enda jöfn að stigum
hafnaði Járnsíða í öðru sæti riðilsins,
en LEX í því þriðja. Ástæðan var sú
að Járnsíða hafði betur í innbyrðis
viðureign liðanna. Hið sama var að segja
um endanlega niðurröðun LOGOS og
CATO. Samkvæmt mótsreglum gilda
fyrst úrslit innbyrðis viðureignar verði
tvö eða fleiri lið jöfn að stigum.
Þegar hér var komið við sögu var
nokkuð farið að bera á þreytu meðal
leikmanna, enda hver krefjandi
leikurinn á fætur öðrum spilaður á
um tveimur klukkutímum. Það varð
hins vegar einungis til að auka mjög
á keppnisskap leikmanna, enda mikill
heiður að veði.
Í leiknum um þriðja sætið milli
LEX og LOGOS fór það að lokum svo
að LEX fór með sigur af hólmi, 2-1.
Úrslitaleikurinn milli OPUS og Járnsíðu
Erlendur Þór Gunnarsson fyrirliði fagnaði bikarnum með stæl.
Allt var lagt í sölurnar á vellinum
Lið Mörk Stig
OPUS 12-1 12
Járnsíða 3-5 6
LEX 4-6 6
LOGOS 5-11 3
CATO 5-6 3