Lögmannablaðið - 01.03.2014, Blaðsíða 10

10 lögMannaBlaðið tBl 01/14
UMfJöllUn
norski lögMaðurinn geir lippe-
stad fékk eitt erfiðasta verkefni sem
nokkur lögmaður getur fengið, þegar
lögreglan hringdi í hann eldsnemma
morguninn eftir fjölda morðin í Útey og
tilkynnti honum að anders Breivik hefði
óskað eftir því að hann yrði verjandi
sinn. lippestad tók að sér starfið og
sinnti því af sömu yfirvegun og virðingu
fyrir grundvallar reglum réttarríkisins
og einkenndi öll viðbrögð norsku
þjóðarinnar við þessum voðaverkum.
lippestad hélt fyrirlestur hér á landi
á vegum lögmannafélagsins í febrúar.
Fyrirlesturinn vakti mikla athygli og
var vel sóttur. lippestad féllst á að
veita lögmannablaðinu viðtal í kjölfar
fundarins. Fyrsta spurningin var sú hvort
lippestad teldi að norska réttarkerfið
hefði staðist prófið þegar þetta ótrúlega
mál kom upp?
„Ég tel að norska kerfið hafi staðist
þetta próf með sóma. lögreglan
kom fram við Breivik af virðingu,
rannsökuðu þetta mál vandlega og í
raun á sama hátt og önnur mál. Breivik
var gefinn kostur á að tala í alls tíu
daga í opnum réttarhöldum. Ég tel að
allt hafi verið gert til þess að tryggja að
þetta yrðu sanngjörn réttarhöld. Það
sem meira er þá held ég að norskur
almenningur hafi brugðist ótrúlega
vel við. Ég þakka það því að mjög
fljótlega eftir voðaverkin komu sterk
skilaboð frá mikilvægum stofnunum á
borð við kirkjuna, forsætisráðherra og
ríkisstjórnina, fjölmiðla, konunginn og
ekki síst frá unga fólkinu sem var í Útey
um mikilvægi þess að virða lýðræðið
og réttarríkið. Fólk skildi smám saman
hve mikilvægt var að taka á þessum
atburðum með grunngildi réttarríkisins
að leiðarljósi.“
Þegar þú ferðast um heiminn og segir
frá þinni reynslu, hver eru viðbrögð
kollega þinna og þeirra sem þú ræðir
við? Hvaða viðbrögð telurðu að svona
mál hefði fengið annars staðar?
„Ég er viss um að hin Norðurlöndin
hefðu tekið á málinu á sama hátt og
gert var í Noregi. En þegar ég t.d.
tala við fréttamenn frá Rússlandi eða
Bandaríkjunum, þá koma fram allt önnur
viðbrögð. Það kemur þeim verulega
á óvart að komið hafi verið fram við
Breivik af svona mikilli virðingu. Í
Bandaríkjunum er t.d. mikið spurt út í
það hvers vegna Breivik fékk að vera
norska réttarkerfið stóðst prófið
viðtal við geir lippestad