Lögmannablaðið - 01.03.2014, Blaðsíða 18

18 lögMannaBlaðið tBl 01/14
UMfJöllUn
tölur og sagt: Stelpurnar hafa staðið sig
alveg ótrúlega vel miðað við allt þetta.
Framgangur kvenna á stórum
stofum
Þyrí: Nú eru einungis 13% kvenna
eigendur tíu stærstu lögmannsstofanna.
Hver er skýringin á því að svo fáar konur
eru í þeim hópi? Er það glerþakið eða
finnst konum ekki eftirsóknarvert að
verða eigendur hjá stóru stofunum? Vilja
þær frekar vera í minni rekstri eða ekki
í rekstri yfirhöfuð?
Marta: Þessar tíu eru kannski ekki alveg
allar sambærilegar vegna mismunandi
rekstrarforms þeirra. Víða erlendis virðist
staðan vera þessi, í Svíþjóð eru konur
til dæmis um 13% eigenda af tíu stærstu
lögmannsstofunum. Í Bandaríkjunum
eru konur 17% eigenda, það er „equity
partners“, á 200 stærstu stofunum
samkvæmt nýrri samantekt samtaka
kvenna í lögmennsku þar. Hér eru
eflaust margir þættir sem spila inn í,
til dæmis áhugi og möguleikar á að
sinna erilsömu starfi. Ég hef fulla trú á
að þetta muni þróast á komandi árum,
eins og annað.
Berglind: mér finnst þetta ótrúlegar tölur
og í því samhengi er jafnframt ótrúlegt
miðað við fjölda kvenna sem útskrifast
úr lögfræði hve fáar í raun skila sér í
lögmennskuna og svo til viðbótar fáar
sem halda lögmennskuna út.
Auður: Það er áhugavert að sjá að fleiri
konur ljúka laganámi en áður en við
erum ekki að sjá þennan mun skila sér
áfram inn í lögmennskuna. Af hverju
eru konur ekki að fara í lögmennsku?
Lára: Það byrjuðu 14 konur með mér
í laganámi á sínum tíma og af þeim
luku sex prófi. Ég er sú eina úr þeim
hópi sem er í lögmennsku. Hinar eru í
einhverju allt öðru.
Mikil breyting á stéttinni
Þyrí: Hefur eitthvað áunnist á tíu árum
– eru einhverjar breytingar til batnaðar?
Lára: mér finnst við vera á réttu róli
og er ofboðslega ánægð með hvað
konum hefur fjölgað og hvað það er
miklu minna mál að vera kona í lög­
mannastéttinni en áður. Ég sé ekki fyrir
mér að lögmannastéttin verði alltaf
karllæg.
Marta: lögmannastéttin í heild hefur
sjálfsagt breyst mikið á síðustu tíu
árum, bæði aldurssamsetning og fjöldi
lögmanna. Ef rýnt er í tölfræðina virðist
aðeins vera að hægja á hlutfallslegri
fjölgun kvenna í stéttinni. Konum hefur
fjölgað mikið í laganámi en ennþá eru
færri konur sem sækja í lögmennskuna.
Sé miðað við heildarfjölda lögmanna,
virðast þá hlutfallslega fleiri konur leggja
inn réttindi. Þetta er auðvitað áhugavert.
Þyrí: Nú eru um 300 konur í lögmennsku.
Erum við að gera okkur nógu gildandi?
Lára: Ég tek undir þessa spurningu.
Það skiptir máli að við gerum okkur
sýnilegri.
Fkl skiptir máli
Þyrí: Svo að lokum, hefur starfsemi FKL
á síðustu tíu árum skipt einhverju máli
fyrir konur í lögmennsku, að ykkar mati?
Lára: Já, tvímælalaust.
Berglind: Já, ég tel að Félag kvenna í
lögmennsku hafi skipt miklu máli.
Marta: FKl skiptir máli upp á tengslanet,
sýnileika og til dæmis aðgengi að
kvenfyrirmyndum. Það er auðvelt að
mæta á FKl viðburði og hentar vonandi
þeim sem hafa mikið að gera og vilja
hittast, spjalla og kynnast öðrum
konum með lítilli fyrirhöfn. Kannski
má líkja þessu að einhverju leyti við
lögmannabolta, bara vettvangur til að
hittast. Við höfum fundið fyrir vaxandi
áhuga á FKl í ár og viðburðir hafa verið
vel sóttir.