Lögmannablaðið - 01.06.2015, Blaðsíða 7
LÖGMANNABLAÐIÐ TBL 02/15 7
LAGADAGUR
samskonar ráðgjöf. Hvort sem litið væri
á málið út frá neytendasjónarmiðum eða
fagsjónarmiðum lögmannsstéttarinnar
væri þetta óásættanleg staða sem
myndast hefur á íslenkum markaði.
Skólum treystandi
Ingibjörg nálgaðist viðfangsefnið einkum
út frá akademískum sjónarhóli. Hún tók
reyndar undir áhyggjur Jónasar Þórs
og taldi mjög varhugavert ef aðilar án
lagamenntunar væru að bjóða upp
á lögfræðiþjónustu og yrði því að
nálgast löggjöf um lögverndun út frá
neytendasjónarmiðum. Hún taldi aftur
á móti ekki réttlætanlegt að lögvernda
starfsheitið í því skyni að stýra því „...
hvernig háskólar kenni lögfræði eða
nákvæmlega hvaða greinar lögfræði
þeir kenna. Það er bara fráleit hugmynd
og gengur ekki upp í því lagaumhverfi
sem háskólarnir búa við í dag,“ eins og
hún orðaði það. Ingibjörg hafði sterkar
skoðanir á því að löggjafinn ætti sem
minnst að skipta sér að uppsetningu
laganáms enda væri skólunum
sjálfum vel treystandi til að setja upp
fjölbreytilegt og fullnægjandi laganám.
Greinarmunur á lögverndun
og löggildingu
Kristján Andri tók í nokkuð annan streng
en Ingibjörg. Hann taldi mikilvægt að
skilagreina vel í hverju laganám ætti
að felast ef lögverndun starfsheitis
lögfræðinga verður að veruleika. „Ef
það kemur til greina að ráðast í að
lögvernda starfsheitið lögfræðingur þá
finnst mér það aldrei koma til greina
án þess að gera líka ákveðnar kröfur til
fullnaðarnámsins,“ sagði hann. Kristján
benti einnig á að mikilvægt væri að gera
greinarmun á löggildingu starfsréttinda
og lögverndun starfsheita. Í lögverndun
starfsheitis sé eingöngu fólginn
rétturinn til að bera ákveðið starfsheiti
en því fylgja ekki endilega ákveðin
starfsréttindi nema fleira komi til. Tók
hann arkitekta sem dæmi. Þannig gætu
ekki aðrir arkitektar áritað teikningar
til byggingarfulltrúa en þeir sem hefðu
fengið sérstakt leyfi til þess. Samskonar
sjónarmið ættu við um lögfræðinga sem
sækja sér réttindi til málflutnings fyrir
dómstólum.
Fróðleg málstofa
Umræður á fundinum snerust að miklu
leyti um ólíkar kröfur til laganáms ef til
lögverndunar starfsheitisins á að koma.
Ólík sjónarmið fundarmanna komu fram
og reyndist málstofan hin fróðlegasta
fyrir vikið. Eins og áður segir virtist
salurinn mjög sammála um nauðsyn
lögverndunar þótt áherslumunur kunni
að vera á útfærslunni.
Haukur Örn Birgisson hrl.
Ingibjörg Þorsteinsdóttir og Jónas
Guðmundsson.
Anton Björn Markússon hrl.
Davíð Örn Sveinbjörnsson LL.M. | hdl.
Fanney Finnsdóttir lögfræðingur
Guðmundur Siemsen hdl.
Gunnlaugur Úlfsson hdl.
Hrafnhildur Kristinsdóttir LL.M. | hdl.
Jóhanna Katrín Magnúsdóttir LL.M. | hdl.
Jón Ögmundsson JD | hrl.
Kristinn Hallgrímsson hrl.
Linda Fanney Valgeirsdóttir hdl.
Margeir Valur Sigurðsson hdl.
Ragnheiður Þorkelsdóttir hdl.
Sigrún Helga Jóhannsdóttir hdl.
Sigurður Valgeir Guðjónsson hdl.
Snorri Stefánsson hdl.
Stefán Þór Ingimarsson LL.M. | hdl.
Telma Halldórsdóttir MA | hdl.
Valgerður B. Eggertsdóttir LL.M. | hdl.
Þórdís Bjarnadóttir hdl.
Suðurlandsbraut 18
108 Reykjavík
Iceland
(+354)520 2050
advel@advel.is
advel.is
lögmenn
ADVEL LÖGMENN ERU
Skemmuvegi 4 // Sími 540 1800 // www.prent.is