Lögmannablaðið - 01.06.2015, Blaðsíða 12
12 LÖGMANNABLAÐIÐ TBL 02/15
LAGADAGUR
Málstofa I: Tvíeðliskenningin, framsal
fullveldis og eftirlit með fjármálafyrirtækjum
MÁLSTOFUNA SAT FULLUR salur af
áhugasömum lögmönnum, lögfræð
ingum, saksóknurum og dómurum.
Framsögumenn voru Davíð Þór
Björgvinsson prófessor við Háskóla
Íslands og Háskólann í Kaupmannahöfn
og Arnaldur Hjartarson sérfræðingur
við Lagastofnun Háskóla Íslands en
Áslaug Árnadóttir hdl. hjá Landslögum
stjórnaði málsstofunni.
Götótt tvíeðliskenning
Davíð Þór fjallaði um erlend áhrif á
íslenskan rétt og tvíeðliskenninguna sem
felur í sér að reglur þjóðarréttar gilda
ekki sjálfkrafa heldur verður að innleiða
þær sérstaklega. Hann velti upp þeirri
spurningu hvaða svigrúm löggjafinn
hefur til að framselja löggjafarvald til
alþjóðastofana en 2. gr. stjórnarskrárinnar
fjallar um að valdið skuli vera innlent. Þá
felur ákvæði 21. gr. stjórnarskrárinnar í
sér að gerð þjóðréttarsamninga sem fara
gegn stjórnarskránni séu ekki heimil.
Til samanburðar benti Davíð á
að í stjórnarskrá Noregs er heimilt
samkvæmt 33. gr. að framselja vald til
alþjóðastofnana. Hér á landi er framsalið
hins vegar byggt á viðmiðum sem
mótast hafa í framkvæmd. Á sumum
sviðum hefur farið fram full innleiðing,
sbr. mannréttindasáttmála Evrópu sem
varð að lögum nr. 62/1994. Einnig hafa
alþjóðasáttmálar verið innleiddir með
þeim hætti að allar breytingar sem á
þeim verða eftir innleiðinguna hafa
sjálfkrafa fengið gildi og hefur slíkt verið
látið átölulaust. Í enn öðrum tilvikum
er vísað í þjóðarrétt í lögunum sbr. lög
um póstþjónustu nr. 19/2002. Niðurstaða
Davíðs Þórs var sú að „í prinsippinu
fylgjum við tvíeðliskenningunni en hún
er jafn götótt og svissneskur ostur“.
Framsal valds og
fjármálafyrirtækin
Arnaldur Hjartarson fjallaði um nýtt og
breytt kerfi í fyrirkomulagi fjármála
eftirlits á EESsvæðinu sem felur í sér
að vald verður framselt til stofnana
Evrópusambandsins sem aftur þýðir
bein og íþyngjandi réttaráhrif gagnvart
íslenskum fjármálafyrirtækjum.
Arnaldur vísaði til álitsgerðar
Bjargar Thorarensen og Stefáns Más
Stefánssonar frá 25. apríl 2012 um málið
en þar segir m.a.:
Innleiðing ákvæða reglugerða
ESB nr. 1093, 1094 og 1095/2010,
um heimildir þriggja evrópskra
eftirlitsstofnana á fjármálamarkaði
Arnaldur Hjartarson.Davíð Þór Björgvinsson.