Lögmannablaðið - 01.06.2015, Page 14

14 LÖGMANNABLAÐIÐ TBL 02/15
LAGADAGUR
Málstofa II: Ábyrgð ráðherra og starfshættir
í ráðuneytum
UNDIRRITUÐ STARFAR SEM sér­
fræðingur í þeirri deild norska
Atvinnuvega­ og nýsköpunarráðu­
neytisins sem fer með samkeppnismál,
ríkisstyrki og opinber innkaup. Ég hafði
hlakkað mikið til rökstólanna og til þess
að heyra meira um starfshætti lög­
fræðinga í íslenska Stjórnarráðinu,
samspilið milli þeirra, ráðherra og
aðstoðarmanna og hvað væri efst á
baugi í umræðunni.
Stjórnandi málstofunnar var Kristján
Andri Stefánsson, skrifstofustjóri laga­
og stjórnsýsluskrifstofu utanríkisráðu­
neytisins, og fórst honum stjórnin vel úr
hendi. Þátttakendur voru með víðtæka
reynslu og þekkingu á sínu sviði. Það
voru þau Ragnhildur Arnljóts dóttir
ráðuneytisstjóri forsætis ráðuneytisins,
sem einnig hefur starfað á Alþingi og í
fleiri ráðuneytum, Jónína S. Lárusdóttir
framkvæmdastjóri lögfræðisviðs Arion
banka, og fv. ráðuneytisstjóri, Andri
Árnason hrl. hjá Juris, sem einnig var
verjandi sakborn ings í eina málinu
sem vísað hefur verið til Landsdóms,
og Trausti Fannar Valsson lektor við
lagadeild Háskóla Íslands.
Ný lög og starfsskilyrði
Stjórnarráðs
Tilefni málstofunnar voru þær breyt­
ingar sem hafa orðið á fáum árum á
starfsskilyrðum Stjórnarráðsins. Ný
stjórnarráðslög hafa verið sett eftir
hvatningu í skýrslu rannsóknarnefndar
Alþingis, ráðuneytunum hefur verið
fækkað og sum þeirra stækkuð. Með
nýju lögunum hefur verið aukið á
sveigjanleika við skipulag Stjórnar­
ráðsins. Þá hafa verið lögfestar áður
óskráðar reglur um skyldu ráðherra
til að leita sér ráðgjafar og um skyldu
starfsmanna ráðuneyta til að veita ráð­
herra réttar upplýsingar og faglegt mat á
valkostum. Jafnframt var aukið við lögin
reglum um hlutverk ráðuneytanna og
aðstoðarmanna ráðherra. Einnig hefur
Landsdómur komið saman í fyrsta sinn.
Fyrst hélt Trausti Fannar inngang­
serindi um starfsskilyrði Stjórnarráðsins
og dró upp mynd af lagarammanum.
Fór hann yfir þær helstu breytingar sem
leiða af nýju stjórnarráðslögunum og
snerta starfshætti ráðuneyta og ábyrgð
ráðherra. Af máli hans var ljóst að nýju
lögin gera ríkar kröfur til vandaðra
stjórnsýsluhátta í ráðuneytunum. Á sama
tíma búa ráðuneytin líka við ríkar kröfur
um aðhald og hagræðingu í rekstri
og sum hver hafa gengið í gegnum
umfangsmiklar skipulagsbreytingar.
Kristján Andri varpaði þá fram
spurningunni um hvernig ráðuneytum
gengi að fullnægja kröfum sem til þeirra
eru gerðar. Kom það fram hjá bæði
Ragnhildi og Jónínu að Stjórnarráðið
er fámennt, en sömu kröfur gerðar um
vandaðan undirbúning mála og í stærri
ríkjum. Jónína lagði áherslu á það að í
ljósi þess hve fáir vinna í Stjórnarráðinu
væru unnin kraftaverk á hverjum degi!
Löggjöfin og eftirlitsaðilar gefi enga
afslætti þrátt fyrir smæðina og það væri
leitt að Stjórnarráðið njóti þess ekki
Málstofuna sátu 90 manns.Trausti Fannar Valsson.