Frjáls verslun - 01.11.2014, Side 16

16 FRJÁLS VERSLUN 11 tbl. 2014
né góða ávöxtun á næsta ári. Líklegt er að
fjárfestar haldi áfram frekar að einblína
á uppgjör fyrirtækja og gengi hlutabréfa
þeirra sveiflist í nokkrum takti við uppgjör
fyrirtækjanna. Þó svo að hugsanlegt sé
að fleiri fyrirtæki bætist við í flóru bréfa
skráðra í Kauphöllinni eru enn ekki nein
vænt útboð fyrirliggjandi sem ætla má með
vissu að eigi sér stað árið 2015.
Össur
Hlutabréf Össurar hækkuðu mikið árið
2014 og hélt því hækkunarhrina félagsins
frá haustinu 2012 áfram. Nam hækkunin
um það bil 60% og veittu hlutabréf þess
besta ávöxtun allra hlutafélaga á mark­
að inum á árinu. Hagnaður hélt áfram að
aukast og eru væntingar um áframhaldandi
hagnað sem hafði þessi jákvæðu áhrif á
gengi þess.
Marel
Það má með sanni segja að gengi bréfa í
Marel hafi svipað til þess að vera í rússí ­
bana á árinu 2014. Gengið í upphafi árs var
tæplega 140 en nokkur afleit uppgjör urðu
til þess að gengi bréfa félagsins lækkaði
niður í 100 síðastliðið haust. Síðasta birta
uppgjör ársins gaf þó til kynna að aðgerðir
nýráðins forstjóra, Árna Odds Þórðarsonar,
bæru árangur og hefur gengi bréfa félagsins
stokkið í svipaðar hæðir og það var í í
upphafi árs.
Eimskip
Annað fyrirtæki sem olli vonbrigðum
hvað hagnað varðaði á árinu 2013 var
Eimskip. Umskipti urðu þó á síðasta birta
árshlutauppgjöri félagsins og hafa þau birst
í hækkun á gengi bréfa félagsins síðustu
vikur ársins.
Hagar
Gengi bréfa Haga var afar stöðugt á árinu
2014 eftir nánast samfelldar hækkanir á
gengi þess frá skráningu haustið 2011.
Gengi bréfanna hækkaði töluvert í upphafi
árs en á vormánuðum lækkaði það aftur
þegar fréttist að CostCo kæmi hugsanlega
til Íslands með tilheyrandi samkeppni.
Síðan þá hefur það sveiflast á svipuðum
slóðum, enda rekstur félagsins tiltölulega
stöðugur og vöxtur hagnaðar að minnka.
HB Grandi
Bréf í HB Granda höfðu verið seld og
keypt utan aðalmarkaðar Kauphallarinnar
í töluverðan tíma en formleg skráning
þeirra var seint í apríl. Næstu vikur eftir
skráningu féll gengi þeirra en eftir afar góð
árshlutauppgjör félagsins á árinu hefur það
hækkað mikið síðustu vikur ársins. Þó voru
blikur á lofti varðandi efnahag Rússlands
sem gætu haft neikvæð áhrif á gengi
félagsins næstu misserin. Myndin sýnir
bæði gengi bréfa HB Granda fyrir og eftir
skráningu á aðalmarkaðinn.
Icelandair Group
Litlar sveiflur voru á gengi Icelandair
framan af ári 2014. Líklegt er að fjárfestar
hafi þegar verðlagt í vænt gengi félagsins
afar gott ár í flugiðnaðinum. Undir lok
ársins birti Icelandair þó árshlutauppgjör
sem gaf til kynna enn meiri vöxt en jafnvel
bjartsýnisspár höfðu gert ráð fyrir. Auk
þess mun lækkandi olíuverð bæta rekstur
félagsins en sú lækkun skiptist væntanlega
í lægri fargjöld en einnig aukinn hagnað.
Gengið rauf 20 króna múrinn í byrjun
desember og er markaðsvirði félagsins
komið yfir 100 milljarða króna.
N1
Framan af árinu 2014 sveiflaðist gengi
bréfa í N1 örlítið, með örlitla leitni niður.
Góð uppgjör félagsins á síðara hluta ársins
stuðluðu að því að ávöxtun félagsins var
góð og geta hluthafar félagsins vel við
unað.
Hlutabréf
Ávextir í áskrift er eins þægilegt
fyrirkomulag og hugsast getur
Viljið þið prófa?
Ummæli viðskiptavina
„Við höfum fengið ávexti í áskrift hjá Ávaxtabílnum frá því hann byrjaði að veita þessa
þægilegu þjónustu fyrir 10 árum. Það segir allt sem segja þarf.“
Guðmundur Baldursson, Logo Flex
„Við fáum reglulega ávexti frá Ávaxtabílnum fyrir starfsmenn okkar og þeir kunna svo
sannarlega að meta það. Fyrir vikið teljum við okkur vera með orkumeiri starfsmenn
allan daginn og minni fjarvistir.“
Andrés B. Sigurðsson, Ormsson
„Fyrirkomulagið er einfalt, úrvalið gott og enginn þarf að muna að panta.
Við fáum bara ferska ávexti í áskrift og því geta starfsmenn okkar gripið í
hollan bita allan daginn.“
Kolbrún Bergsdóttir, Hugviti
„Við erum mjög ánægð með þjónustu Ávaxtabílsins, sem hefur séð okkur fyrir
ávöxtum í mörg ár. Fyrirkomulagið er einfalt, ávextirnir góðir og þjónustan þægileg.“
Björk Hreinsdóttir, Stálsmiðjunni-Framtak
„Það er mjög þægilegt fyrir lítinn vinnustað eins og okkar, að geta fengið svona mikið
úrval af ávöxtum, en þurfa ekki að panta heila kassa eins og hjá stóru ávaxtahúsunum.
Við höfum því fylgt Ávaxtabílnum nánast frá því hann byrjaði og erum
hæstánægð með þjónustuna.“
Ragnheiður Elíasdóttir, Knattspyrnusambandi Íslands
Nú eru góð ráð
ódýr Aðeins 550 kr. á mann áviku
Á fjórum vikum er hægt að komast að því hvernig ykkur líkar að
vera alltaf með ávexti við höndina í vinnunni. Það er lítil áhætta að prófa.
Ein vika af fjórum verður í boði Ávaxtabílsins
Hollir veislubakkar við
hvert tækifæri, heim
eða í vinnuna
Ávaxtaveisla að hætti hússins!
www.avaxtabillinn.is
avaxtabillinn@avaxtabillinn.is • s. 517 0110