Frjáls verslun - 01.11.2014, Page 47

FRJÁLS VERSLUN 11 tbl. 014 47
Erlendir fjárfestar sem eiga fé og eignir á Íslandi fylgjast gjarnan grannt með þróun ís ­
lenskra efnahags­ og stjórnmála
með aðstoð greiningarfyrirtækja.
Stefanía Óskarsdóttir segist oft fá
fyrirspurnir frá slíkum aðilum um
stjórnmálaástandið.
„Ég hef í haust t.d. verið spurð
hvort ríkisstjórnin hafi pólitískan
styrk til að bíða eftir að erlendir
kröfu hafar gefist upp á biðinni
eftir afnámi hafta og fallist á
til boð stjórnvalda um að hluti
krafn anna falli ríkinu í skaut.
Svar mitt við þeirri spurningu
er að ríkisstjórnin hafi lýst vilja
til að aflétta fjármagnshöftum.
Hins vegar felist mikil efnahags­
leg og pólitísk áhætta í afnámi
hafta. Falli gengið of mikið fer
verðbólga af stað og kjósendur
munu refsa ríkisstjórninni fyrir
efnahagslega skellinn sem hlytist
af því. Ríkisstjórnin hefur því
óskoraðan stuðning almennings
til að fara varlega í sakirnar og
semja einungis um aðgerðir
sem taka mið af þeirri staðreynd
að gjaldeyrir er af skornum
skammti. Jafnframt þykir Íslend ­
ingum ekki ósanngjarnt að ríkið
endurheimti eitthvað af þeim
mikla kostnaði, sem féll á það
vegna falls bankanna, með gjaldi
á fjármagn sem fer úr landi. Enn
fremur styrkti ríkisstjórnin sig
gagnvart kröfuhöfum þegar hún
efndi kosningaloforð um „skulda­
leiðréttingu“ með því að leggja
á sérstakan bankaskatt. Þar
með þurfti hún ekki að bíða eftir
uppgjöri þrotabúanna og sefaði
óþolinmóða kjósendur.“
DR. STEFANÍA ÓSKARSDÓTTIR
– lektor við HÍ
STJÓRNMÁL
Ríkið og kröfuhafarnir
ÁSMuNDuR HELGASON
– markaðsfræð ingur hjá Dynamo
AUGLÝSINGAR
Þegar litið er yfir árið og hugað að því sem vel hefur verið gert kemur ýmislegt upp í hugann. Herferð Ölgerðarinn­ar fyrir grape var ákaflega vel heppnuð og gaman að sjá svona náttúrulega bitra vöru
auglýsta. Icelandair hefur unnið
forvitnilegt markaðsefni á árinu,
nú síðast stóra jólaauglýsingu
sem vakti athygli. Þá hefur
mark aðsstarf fyrir atburði á
árinu eins og Iceland Airwaves
skilað sínu auk þess sem
mark aðsvinna fyrir íslenska
tónlist hefur vakið athygli.
Íslandsstofa hefur verið að gera
skemmtilega hluti þótt sumir
deili um árangurinn. Fallegar
grafískar auglýsingar hafa sést
eins og frá TM og fleirum og
þróun í umbúðum hefur verið
góð á árinu eins og til dæmis
umbúðir frá Nóa­Siríusi og hinar
um deildu mjólkurumbúðir. Það
er ekki að ástæðulausu að
um búðir eru stundum kallaðar
fimmta péið.“
Ásmundur Helgason bendir á
að nú séu fyrirtæki að undirbúa
markaðsstarf næsta árs og
þá megi kannski minna á að
athygli skapar ekki alltaf áhuga.
„Því er ekki alltaf nóg að hafa
hátt og ná athygli ef innihaldið
skapar ekki áhuga á viðkom­
andi vörumerki. Þá má líka hafa
í huga hvort markaðsefnið nái
að hreyfa við fólki og fái það til
að gera eitthvað. Er ekki ágætt
að hafa að minnsta kosti þetta í
huga á nýja árinu?“
„Ég hef í haust t.d. verið
spurð hvort ríkisstjórnin
hafi pólitískan styrk til
að bíða eftir að erlendir
kröfu hafar gefist upp á
biðinni eftir afnámi hafta
og fallist á til boð stjórn­
valda um að hluti krafn ­
anna falli ríkinu í skaut.“
Ýmislegt vel heppnað
„Þá hefur mark aðsstarf
fyrir atburði á árinu eins
og Iceland Airwaves
skilað sínu auk þess sem
mark aðsvinna fyrir ís­
lenska tónlist hefur vakið
athygli.“