Öldrun - 01.02.2003, Blaðsíða 34

34 ÖLDRUN – 21. ÁRG. 1. TBL. 2003
ÁTTUNDA ráðstefna NorAge verður haldin á
Hótel Loftleiðum í Reykjavík dagana 27. – 29.
apríl næstkomandi. Þessi félagsskapur, sem er
laustengdur hópur fólks á Norðurlöndum sem
vinnur að rannsókn-
um á sjúkdómum í
heila á efri árum, hef-
ur haldið ráðstefnur
nokkurn veginn ann-
að hvert ár til skiptis í
löndunum fimm.
Okkur sýnist að inni-
hald ráðstefnunnar
höfði til sem flestra
en meginþema henn-
ar er fyrirbyggjandi
aðgerðir vegna sjúk-
dóma í heila á efri
árum („Prevention in
brain aging“). Flutt
eru fimm yfirlitser-
indi og boðið er upp á
fjögur málþing (symposia) og er hér um að
ræða fólk sem við vitum að hefur eitthvað fram
að færa. Innsent efni verður í formi spjald-
asýningar og eru veitt tvenn verðlaun fyrir
spjöld.
Yfirlitserindin eru haldin stök, þ.e. á
meðan er ekkert annað að gerast.
• Leonore Launer frá NIA (National Institute
of Aging) flytur opnunarerindið og fjallar
um faraldsfræði, en hún hefur tekið þátt í
og stýrt ýmsum stórum faraldsfræðirann-
sóknum á sviði öldrunar m.a. Hjartavernd-
arrannsókninni.
• Kaisu Pittkälä frá Helsinki mun fjalla um
óráð og einkum hvernig megi koma í veg
fyrir þau.
• Hreinn Stefánsson mun fjalla um erfða-
fræði og hvað hún getur kennt okkur.
• Peter Johannson mun fjalla um Alzheimer
sjúkdóm og hvernig reynt er að koma í veg
fyrir framvindu sjúkdómsins.
• Sanjay Asthana mun fjalla um kvenhormón
og hugsanlega þýðingu þeirra til varnar
Alzheimer sjúkdómi.
Málþing eru haldin samhliða tvö og tvö.
Annars vegar um vefræn vandamál og hins
vegar um sálræn og sálfélagsleg vandamál:
• Um þunglyndi. Þórður Sigmundsson geð-
læknir skipuleggur.
• Um Lewy sjúkdóm og Parkinson. Dag
Aarsland frá Noregi skipuleggur.
• Um sjúkdóma á miðjum aldri og tengsl við
heilabilun síðar. Laura Fratiglioni frá Sví-
þjóð skipuleggur.
• Um geðræn einkenni og atferlistruflanir í
heilabilun. Sture Eriksson frá Svíþjóð
skipuleggur.
Allar nánari upplýsingar er að fá á heima-
síðu ráðstefnunnar: www.congress.is/norage
Vonast er eftir góðri þátttöku, en undir
öllum kringumstæðum verður boðið upp á
gott efni.
Jón Snædal, læknir
Forseti 8. ráðstefnu NorAge
NorAge
27.– 29. apríl 2003