Öldrun - 01.05.2007, Blaðsíða 6
www.oldrun.net ÖLDRUN – 25. árg. 1. tbl. 2007
Stjórnarstarf
Í stjórn á starfsárinu sátu Sigrún Ingvarsdóttir formað
ur, Ingibjörg Þórisdóttir ritari, Ólafur Samúelsson gjald
keri, Berglind Indriðadótir sem jafnframt var fulltrúi
stjórnar í ritnefnd og Auður Hafsteinsdóttir. Í varastjórn
sátu Sigrún Guðjónsdóttir og Sigurveig H. Sigurðardótt
ir. Stjórnarfundir voru haldnir mánaðarlega, með hléi yfir
sumarmánuðina.
Aðalverkefni stjórnar á starfsárinu voru undirbúning
ur námsstefna í samvinnu við Endurmenntun og útgáfa
tímaritsins Öldrunar. Félagsmenn eru á bilinu 320330.
Námsstefnur
Árlega heldur Öldrunarfræðafélagið (ÖFFÍ) tvær nám
stefnur í samvinnu við Endurmenntun Háskóla Íslands
(EHÍ). Að auki var ÖFFÍ í samstarfi við Þjónustumið
stöð Laugardals og Háaleitis, Félag eldri borgara og Vel
ferðarsvið Reykjavíkurborgar, um málþing þann 15. júní
2006 er fjallaði um ofbeldi gegn öldruðum í tengslum við
alþjóðlegan forvarnardag gegn ofbeldi á öldruðum.
Á námsstefnu sem ÖFFÍ hélt í samvinnu við EHÍ í nóv
ember 2006 var fjallað um mannauð í öldrunarþjónustu.
Velt var upp spurningunum sem brenna á eldri borgurum
og aðstandendum þeirra, sem og stjórnendum í öldrunar
þjónustu, um það hvernig fáist fólk til starfa sem veitir
úrvals öldrunarþjónustu og hvað þarf til að halda því fólki
í starfi. Frummælendur voru á einu máli um að það sé
forgangsatriði að huga vel að mannauðsmálum í öldrunar
þjónustu þar sem þau eru lykillinn að því að veita góða eða
yfirleitt einhverja þjónustu. Brýnt er að starfsfólk finni að
borin sé virðing fyrir þeirra störfum, bæta þarf skilning á
því í hverju starfið felst, gæta þarf vel að starfsaðstöðu og
stuðningi til starfsfólks. Starfsfólk þarf að hafa tæki, tól og
þekkingu til að geta leyst af hendi þau verkefni sem því
eru falin. Þar sem starfsmenn af erlendum uppruna hafa í
auknum mæli verið að sinna öldrunarþjónustu var einnig
töluvert fjallað um aðlögun allra starfsmanna að fjölmenn
ingarlegum vinnustöðum.
Þann 1. mars 2007 var haldin námsstefna undir heitinu
„Lífsgæði í búsetu“. Fjallað var um mismunandi búsetu
form eldri borgara, á Íslandi sem og erlendis. Velt var upp
spurningum um lífsgæði á efri árum sem tengjast heilsu
fari, þjónustu og búsetuformi. Frummælendur voru á einu
máli um það að fjölbreytni og heilsufar væru lykilorð þeg
ar spurt væri um lífsgæði, það er að segja að geta haft val
um þjónustu og búsetu ef/þegar heilsan versnar.
Aðsókn var góð á báðar námsstefnurnar sem og mál
þingið.
Norrænt samstarf
ÖFFÍ er aðili að Nordisk Gerontologisk Forum (NGF),
norrænum samtökum öldrunarfræðafélaga. Stjórnarsetur
NGF er í Osló og á formaður ÖFFÍ sæti í stjórn. NGF held
ur öldrunarfræðaráðstefnu annað hvert ár, sú síðasta var
haldin í Jyväskylä í Finnlandi í maí 2006. Stjórnarfundir
NGF eru haldnir í tengslum við ráðstefnuna.
Næsta ráðstefna NGF, sú 19. í röðinni, verður haldin
í Osló dagana 25. – 28. maí 2008 og verður yfirskriftin
„Aging, dignity, diversity“. Nú þegar er búið að opna vef
síðu fyrir ráðstefnuna: http://www.19nkg.no.
Árið 2010 verður ráðstefna NGF haldin á Íslandi og er
þegar farið að huga að undirbúningi hennar í samvinnu
við Öldrunarlæknafélag Íslands. Jón Snædal hefur tek
ið að sér að vera forseti ráðstefnunnar, Soffía Egilsdóttir
verður framkvæmdastjóri og Sigurveig H. Sigurðardóttir
verður formaður Vísindanefndar.
Heiðursfélagar
Heiðursfélagar Öldrunarfræðafélagsins eru Alfreð
Gíslason, Ársæll Jónsson, Gísli Sigurbjörnsson, Gunn
hildur Sigurðardóttir og Þór Halldórsson.
Reykjavík 22. mars 2007,
f.h. stjórnar Öldrunarfræðafélags Íslands,
Sigrún Ingvarsdóttir, formaður.
Skýrsla formanns
Öldrunarfræðafélags Íslands
fyrir starfsárið 2006 - 2007
Sigrún Ingvarsdóttir
félagsráðgjafi
formaður ÖFFÍ