Öldrun - 01.11.2007, Blaðsíða 10

10
www.oldrun.net ÖLDRUN – 25. árg. 2. tbl. 2007
Talsvert framboð er á fræðslu og símenntun fyrir starfsfólk í öldrunargeiranum. Hér verður fjallað um
Norrænu öldrunarfræðaráðstefnuna 2008, Bjarmalund, nýútkomna bók, varðveislusafn LSH, náms­
stefnur ÖFFÍ, starfsemi RHLÖ og ýmsa fræðslu sem er í boði. Lesendur eru beðnir að senda inn ábend­
ingar um áhugaverðar bækur, ráðstefnur eða fræðslu og verður fjallað um það í næstu blöðum eða á
heimasíðunni www.oldrun.net.
FRÆÐSLA OG SÍMENNTUN Í
ÖLDRUNARGEIRANUM
19. ráðstefna Nordisk Gerontologisk Forening (NGF)
verður haldin á Radisson SAS í Oslo dagana 25.­28. maí
2008. Að þessu sinni er yfirskrift hennar “Ageing, dignity,
diversity”. Allar nánari upplýsingar ásamt skráningu er
að finna á www.19nkg.no Árið 2010 er komið að Íslend­
ingum að vera gestgjafar á ráðstefnunni og er undirbún­
ingur þegar hafinn.
Norræna öldrunarfræða-
ráðstefnan
Í maí 2007 tók til starfa ný einkarekin ráðgjafarstofa um
Alzheimer og öldrun, sem nefnist Bjarmalundur. Mark­
mið með starfseminni eru að koma betur til móts við
þarfir varðandi stuðning og fræðslu fyrir þá sem eiga
við heilabilun að etja, aðstandendur þeirra og starfs­
fólk í umönnunarstörfum. Framtíðarmarkmiðið er hins
vegar stærra umfangs, að reisa byggingu sem mun hýsa
góða aðstöðu fyrir skammtímainnlagnir í heimilislegu
umhverfi, dagdeild, ýmsa tómstundaiðju og afþreyingu
fyrir sjúklinga á fyrri stigum, auk ráðgjafarmiðstöðvar.
Sótt hefur verið um lóðir en einkum er einblínt á vest­
urbæ Reykjavíkur. Þar liggur til grundvallar að ekki er
sérhæfð dagdeild í vesturbæ eða á Seltjarnarnesi, auk
þess sem tenging við LSH og Háskóla Íslands væri góður
kostur. Ráðgjafarmiðstöðin og skammtímadeildin myndu
hins vegar þjóna á landsvísu. Það er þó ekki hrist fram
úr erminni að koma á fót slíkri þjónustumiðstöð. Því var
ákveðið að byrja með hluta starfseminnar, sem er ráðgjöf
og fræðsla. Bjarmalundur er til húsa að Tryggvagötu 16,
fjórðu hæð. Símar eru 568­4011 og 895­9737.
Aðdragandinn hefur verið langur og undirrituð hefur
kynnt sér vel hvað nágrannaþjóðir okkar eru að gera í
þessum efnum og eigum við talsvert langt í land til að geta
boðið upp á slíka flóru af úrræðum sem þar er víða boðið
upp á. Það er áhugavert hvað stjórnvöld á Norðurlönd­
unum eru ákveðin í að bæta alla þjónustu við sjúklinga
og aðstandendur, gera ítarlegar áætlanir til framtíðar og
veita miklu fé í rannsóknir, þróunarverkefni og ný og bætt
úrræði.
Undirrituð hefur í nokkur ár verið í norrænum vinnu­
hópi varðandi málefni yngri sjúklinga með heilabilun og
nú hefur verið ákveðið að hópurinn starfi áfram þrjú næstu
árin og er það að frumkvæði Norðmanna, sem vilja að
gerð sé ítarleg áætlun um fjölda og þarfir yngri sjúklinga
og aðstandenda. Tvær í hópnum, þær Ulla Thomsen og
Kerstin Lundström, hafa komið til Íslands að beiðni undir­
ritaðrar með fyrirlestra og hinir bíða eftir að fá að koma
líka! Það er afar mikill velvilji fyrir því að aðili frá Íslandi
sé með í hópnum og mikilvægt að við tökum þátt sem
fullgildir aðilar og látum ekki stöðugt aðrar þjóðir borga
fyrir okkur eins og hefur verið raunin hingað til. Norræna
ráðherranefndin stóð fyrir verkefninu til að byrja með en