STARA - 01.09.2015, Blaðsíða 21

S
T
A
R
A

n
o
.4
2
.T
B
L
2
0
15
21
Hvaða verkefni eru framundan hjá þér?
Þau eru nokkur á þessu ári. Í október verð
ég með þrjár sýningar. Þetta eru ólík verk-
efni og samhengi þeirra mismunandi. Í vin-
nu fyrir einkasýningu í Harbinger hef ég gert
tilraunir með liti, efni og aðferðir og kannað
þenslumöguleika forms og miðla í víðum
skilningi. Samsýning í Skaftfelli ásamt Eyborgu
Guðmundsdóttur þróast m.a. í samtölum við
sýningarstjóra og við listasöguna með skoðun
á geometrískum verkum Eyborgar. Samýning
í Listasafni Árnesinga er stefnumót við þrjá
aðra samtímalistamenn sem vinna með
pappír. Samhliða þessu er ég síðan að vinna
að bókverki/skúlptúrbók og hugsa ég þar sýn-
ingarrýmið í víðari skilningi, bæði hvað varð-
ar þátttöku áhorfenda og dreifingu listaverka.
Hversu mikilvægt er fyrir þig að vera
með vinnustofu?
Vinnustofan er nauðsynlegur fastur punkt-
ur. Vinnan mín er í grundvallaratriðum
stúdíóvinna og ég er mikið á vinnustofunni
að pæla eða byggja eitthvað sem verður til í
samtali við efnið og í tilraunum. Frá því ég
lauk námi hef ég yfirleitt alltaf haft vinnu-
stofu og verið á gestavinnustofum, t.d. í Finn-
landi, Tékklandi, Eistlandi og Tyrklandi. Mér
finnst mikilvægt að upplifa byggingar og mis-
munandi rými, sérstaklega á þeim tímabilum
þegar ég hef haft litlar vinnustofur hér heima.
Þá er gott að þenja skalann með því að fara
t.d. á gestavinnustofur.
Stutt lýsing á vinnustofunni
47fm stór, björt vinnustofa, með austur-birtu,
góðri lofthæð og útsýni. Góð stærð sem hefur
áhrif á vinnubrögðin; hægt er að skáka til
hlutum í rýminu og fá yfirsýn.
Hvert er markmiðið/toppurinn í starfinu?
Það er engin endastöð, en mér finnst nauðsyn-
legt að það sem maður er að glíma við komi
manni sjálfum á óvart og sé þannig spenn-
andi, vaxi og nái virkni. Þegar verk er tilbúið
er léttir að missa áhugann á því og það bara er
- ef ekki, þá truflar það mann í framhaldinu.
Hvaðan færðu innblástur?
Það sem örvar mig eru yfirleitt menning-
artengd fyrirbæri, t.d. byggingaraðferðir,
skilgreiningar og hugmyndaheimar. Inn-
blásturinn kemur í framvindunni, í sjálfri
myndlistarvinnunni.
Í fullkominni veröld væri myndlist...
Úthlutað hellings tíma og rými; hún hefur
ótrúlegan kraft.
Mottó Endalaus forvitni.
Áhrifavaldar
Ætli þeir séu ekki helst tengdir skynjuninni,
ýmsum grundvallaratriðum hennar. T.d. hlut-
föll og form í tónlist og byggingum, hljóð,
birta, litir, efni og daglegt líf. Sjónarhorn í
kvikmyndum og sjónarhorn og verk annarra
listamanna gefa mikinn kraft.
Hvað er SÍM fyrir þér?
Mikilvægt hagsmunafélag. Nýjasta herfer-
ðin, „Við borgum listamönnum” og umræðu-
grundvöllur því tengdur er dæmi um kort-
lagningu og yfirsýn yfir starfsvettvang
myndlistarmanna og þrýsting sem félag getur
skapað um hagsmunamál. Einnig hefur SÍM
mikilvæg áhrif á skipan í fagnefndir sem tengj-
ast myndlist og er okkur myndlistarmönnum
mikilvægt félagslegt fyrirbæri.
Af hverju gerðist þú félagi í SÍM?
SÍM, Nýló og síðar Myndhöggvarafélagið voru
félög sem mér fannst skipta máli að tengjast
því þau endurspegluðu mismunandi þætti í
starfsvettvangi mínum.
Hvaða kostir eru við það að vera félagi í SÍM?
SÍM er m.a. upplýsingaveita og gagnsætt að
því leyti að það er hægt að hafa áhrif á um-
ræðuna ef maður vill. Áþreifanlegur kostur
fyrir mig tengist starfsumhverfi mínu, þ.e.
vinnustofan, auk þess sem ég hef t.d. fengið
ferðastyrk úr Muggi.