STARA - 16.04.2015, Blaðsíða 13

S
T
A
R
A

n
o
.3
1.T
B
L
2
0
15
13
Er þetta í fyrsta sinn sem þú dvelur í gesta-
vinnustofu?
Nei. Ég hef komið í gestavinnustofu á vegum
SÍM nokkrum sinnum síðan árið 2009, meðal
annars hina dásamlegu vinnustofu í Berlín.
Fyrsta gestavinnustofan sem ég tók þátt í var
hins vegar í Flórída, Bandaríkjunum, í Atlantic
listamiðstöðinni, með leiðbeinandi listamann-
inum Gillian Wearing, þegar ég var í framhalds-
námi við Concordia háskólann í Montreal árið
2003. Það er alltaf spennandi að fá þær fréttir
að umsókn hafi verið samþykkt. Það er sérstök
tilfinning að vita að fólk kann að meta þig sem
listamann og að þú ætlir að halda með opnum
huga á vit þessarar óvissuferðar.
Hvers vegna Ísland?
Ísland hefur alltaf heillað mig. Ég man eftir að
hafa séð kvikmyndina 101 Reykjavík þegar ég
var yngri og bjó í New York, og að mig langaði
til að kynnast þessari litlu eyju betur. Á þessari
smáu eldfjallaeyju úti á miðju hafi er örlítið,
sérkennilegt en sterkt og sjálfstætt norrænt
listasamfélag, sem býr yfir svo einstöku menn-
ingarlegu ríkidæmi að það er töfrum líkast —
og allt opinberast það í Reykjavík. Það virðist
algjörlega nútímalegt, en um leið bræðingur
fortíðar og framtíðar sem renna saman í þessari
mystísku sköpun. Tilraunakennd tónlistarsenan
hafði mikil áhrif á minn innri mann. Löngunin
til að upplifa landslagið í gegnum áleitna tónlist
Bjarkar, Sigur Rósar og Hildar Guðnadóttur, svo
fáir séu nefndir, virkaði eins og segull á mig.
Hvar heyrðirðu fyrst um SÍM gestavinnustofurnar?
Mér bauðst að sýna verkin mín í Gautaborg í
Svíþjóð og fékk þar með tækifæri til að halda
fyrirlestur í Valand listaháskólanum. Ég hitti þar
nokkra íslenska listamenn sem voru að klára
meistaragráður sínar í myndlist og var boðið á
vinnustofur þeirra til að ræða listsköpun þeirra.
Þeir sögðu mér frá SÍM.
Fyrsta orðið sem þú lærðir á íslensku?
Heima.
Að hverju vannst þú í gestavinnustofu SÍM?
Á Íslandi hef ég skapað þó nokkur verkefni sem
hafa lifnað við í gjörningum eða tilraunakennd-
um hávaðaviðburðum þar sem ég hef nokkrum
sinnum átt í samstarfi við íslenska listamenn. Ég
hef ánægju af samvinnu og hef verið að færast
í áttina að samfélagslega virkari verkum. Hver
upplifun á Íslandi hefur verið einstök og gefandi
hvað varðar nýja þekkingu og ný skapandi ferli.
Í ágúst 2014 kom ég til Reykjavíkur með gjörn-
ing minn frá Montreal og samvinnuverkefni í
tilraunahávaða sem heitir „Sonic Electric“. Við
komum til SÍM til að semja ný tilraunakennd
rafræn tónlistarverk og til að koma fram fyrir
íslenska áhorfendur. Við fluttum þetta nýja efni
í Mengi sem hluta af lokasýningu okkar og var
það um leið lokahátíð gestavinnustofunnar okkar.
Finnst þér að gestavinnustofan og/eða Ísland hafi
áhrif á verk þín?
Alltaf. Gestavinnustofan er áhugaverður tími því
maður fær alltaf svo undraverða sýn á skapandi
hæfileika frá öllum sviðum samfélagsins og alls
staðar að úr heiminum.
Samtalið verður ótrúlegt.
Hvað varðar verkin mín, þá verð ég alltaf fyrir
áhrifum af rannsóknum mínum á hinu náttúru-
lega landslagi, hvort sem þau áhrif eru svo skjal-
fest á einn eða annan hátt. Hver birtingarmynd
frumefna vekur margar ósjálfráðar hugmyndir
sem eru stundum frumstæðar og stundum mjög
abstrakt. Ég fæ aldrei slíkar hugmyndir í Montreal.