Són - 01.01.2004, Side 129

129ER MITT HEITI ÚT Í SKÓG
Mér er fremur létt um að ríma og því get ég kastað fram vísum
líkum þessum án þess að hugsa mig um.29
Í bréfið skrifar hún einnig bændavísur sem hún orti í gamni um
krakkana á bænum og ýmsar vísur aðrar. Þá segist hún hafa ort
svolítið af kvæðum. Einnig getur hún þess að hún hafi sent blöðum
og tímaritum svolítið af skáldskap sínum að áeggjan pabba síns. Hún
segir annars að sér láti „best að yrkja í óbundnu máli“ og gæti hugsað
sér að vinna eitthvað úr því endist henni aldur til. — Á þessu sést að
metnaður hennar hefur fyrst og fremst staðið til að skrifa í lausu máli
og við slíka iðju sat hún margt kvöldið uppi í rúmi sínu þegar aðrir
voru farnir að sofa og skrifaði á sléttaðan umbúðapappír í skini frá
daufum grútarlampa.
Smásaga Dýrólínu, Olnbogabarnið, birtist í Nýjum kvöldvökum 1926 en
fátt annað mun hafa birst eftir hana á prenti í lausu máli og ekki entist
henni aldur og heilsa til að ganga frá sögum sínum til prentunar. Hún
varð því aldrei þekkt fyrir þá grein skáldskapar sem metnaður henn-
ar stóð fyrst og fremst til. Aftur á móti urðu ýmsar lausavísur hennar
landsþekktar og mun það ekki síst hafa verið að þakka Stuðlamálum
Margeirs Jónssonar á Ögmundarstöðum en í fyrsta hefti þeirra birtist
úrval vísna hennar 1925 eins og áður segir. Mun sumum hafa þótt í
þeim einna tærastur skáldskapur í ritinu eins og eftirfarandi vísa
Benedikts Einarssonar vottar:30
Verði stans á starfi mínu,
„Stuðlamálin“ gríp jeg þá. —
„Dauðskotinn“ af Dýrólínu
dregst í sæng og loka brá.
Hagmælska Dýrólínu var mikil og flestar bestu vísur sínar kveður hún
undir hringhendum hætti þar sem hún bregður upp lifandi myndum
úr náttúrunni. Dýrt formið krefst hnitmiðunar og nákvæmni í orðavali
eigi skáldskapurinn ekki að snúast í leirburð og skiptir þar ekki
minnstu máli að velja innrímsorðin af kostgæfni því í þeim býr hljóm-
ur vísunnar og blær fyrst og fremst. Þá ríður ekki síður á að sú mynd
sem dregin er upp í hringhendunni sé skýr og lifandi svo vísan verði
ekki bara eyrnalist og hljómi sem hvellandi bjalla.
29 Dýrólína Jónsdóttir (26. febrúar 1926).
30 Benedikt Einarsson (1925:78–79).