Tímarit um menntarannsóknir - 01.01.2010, Blaðsíða 43
að undirbúa nám í nýjum skóla:
Áhersluþættir stjórnanda og mannaráðningar
Birna maría svanbjörnsdóttir
Háskólanum á akureyri, miðstöð skólaþróunar,
allyson macdonald
Háskóla íslands, menntavísindasviði
og
guðmundur Heiðar Frímannsson
Háskólanum á akureyri
Þróun og mótun skóla er flókið ferli sem felst í því að byggja upp færni til að efla nám nemenda. nám
og kennsla er í brennidepli í allri skólaþróun en margir óskilgreindir þættir hafa áhrif þar á.
skólastjórnendur hafa þar mikið að segja. Það sem einkennir skilvirka skóla er meðal annars náms -
árangur, dreifð forysta og samvinna. rannsóknin sem hér er um rætt er hluti af starfendarannsókn með
starfsfólki í nýjum grunnskóla í þéttbýli. skólastjóri var ráðinn til starfa til skólans tæpu ári áður en
eiginlegt skólastarf hófst. meginmarkmið rannsóknarinnar er að skilja og varpa ljósi á sýn skólastjóra
á forystuhlutverkið í upphafi starfsins, hvaða viðfangsefni biðu hans og hvað hann hugsaði þegar hann
réð fólk til starfa.
gögnum um sýn og viðfangsefni var safnað með viðtölum og vettvangsathugunum. mikið kapp
var lagt á að undirbúa jarðveg hins nýja skóla þannig að þar gæti farið fram farsælt skólastarf.
skólastjóri vann að stefnumótun skólans í samvinnu við nýmyndað foreldraráð. Hann fékk einnig
tíma til að lesa sér til um strauma og stefnur í skólamálum og kynna sér fyrirkomulag í öðrum skólum.
auk þess sinnti hann mannaráðningum og hagnýtum þáttum sem lutu að skipulags- og byggingar -
málum.
skólastjóri sagðist vilja vera sýnilegur, faglegur þátttakandi í skólastarfinu og leita lausna með
samræðu að vopni. skólanum bárust margar umsóknir um störf en sóst var eftir áhugasömu og fjöl -
hæfu fólki sem gæti samsamað sig stefnu skólans og unnið í teymum í opnum rýmum með þarfir nem -
enda að leiðarljósi. Vandað var til verka við ráðningar og tekin fjölmörg viðtöl við hæfa umsækjendur
en þeir sem sóttu um voru flestir fremur reynslulitlir. skólastarf er farið af stað en ekki hefur allt
gengið upp eins og áformað var. Byggingarframkvæmdum seinkaði og það olli ringulreið og töfum á
áætlaðri faglegri samvinnu kennara. Vísbendingar eru um að í skólanum séu aðstæður til að þróa
námssamfélag og samvinnu.
43
Hagnýtt gildi: rannsóknin færir fræðasamfélaginu nýja þekkingu á því hvaða þáttum þarf að
sinna við upphaf og undirbúning skólastarfs í nýjum skóla og hvað þarf að hafa í huga þegar
ráða á fólk til starfa. Hún varpar ljósi á ýmsa þætti sem huga mætti nánar að og veita stuðning í
því sambandi. má þar nefna mikilvægi þess að væntingar skólastjórnenda til skólastarfsins og
forystuhlutverksins séu skýrar og ráðningarferli skipulagt og úthugsað.
Tímarit um menntarannsóknir, 7. árgangur 2010
Tímarit um menntarannsóknir_Layout 1 1/17/11 5:18 PM Page 43