Tímarit um menntarannsóknir - 01.01.2010, Blaðsíða 49
kvörð unum og að foreldrar séu virkjaðir til
þátttöku.3
með tilliti til skipulagsins í skólanum,
kynja skiptingar starfsfólks og starfsreynslu var
ákveðið að tala við að minnsta kosti einn kenn -
ara úr hverju teymi, tvo karlmenn og þrjár
konur. einnig var ákveðið að hafa með í úrtak -
inu reyndasta og óreyndasta kennarann. Fyrsti
höfundur tók einstaklingsviðtal við skólastjóra,
deildarstjóra og fimm kennara.
skólastjóri var spurður spurninga eins og
hvert hann teldi vera hlutverk sitt, hvaða
væntingar hann hefði til samstarfsmanna sinna
og hvernig hugmyndavinnunni frá vinnufundum
2006 hefði verið fylgt eftir við mótun sýnar
skólans. einnig var spurt í hverju starf hans
hefði falist þetta tæpa ár áður en raunverulegt
skólastarf hófst og hvaða hugsun og væntingar
lægju að baki ráðningu kennara og deildarstjóra.
Til að sjá hugmyndir skólastjóra í víðara sam -
hengi og ganga úr skugga um hvort samræmi
væri milli sýnar og væntinga skólastjórnanda
og hugmynda deildarstjóra og kennara um sýn
hans og væntingar til þeirra voru tekin ein stakl -
ingsviðtöl við deildarstjóra og fimm kennara.
Viðtölin voru öll tekin í september 2009 til
janúar 2010 á vinnustað viðmælenda að þeirra
ósk. nokkur óformleg viðtöl voru auk þess
tekin við skólastjóra. Viðtölin hófust með opinni
og víðri rannsóknarspurningu með nokkrum
undirspurningum. Viðtölin voru öll hljóðrituð
og afrituð undir dulnefni. kennararnir kallast
hér, k1, k2, k3, k4 og k5 en skólastjórinn og
deildarstjóri eru nefndir svo.
Til að kynnast aðstæðum, upplifa andrúms -
loftið og fá mynd af starfinu voru einnig gerðar
sex vettvangsathuganir á fyrstu tveimur mán -
uðunum eftir að skólinn tók til starfa. ein
heimsóknin stóð í eina og hálfa klukkustund,
þrjár voru rúmlega klukkustundar langar og
tvær hálftíma langar. gengið var um skólann,
setið, horft og spurt og spjallað við nemendur,
kennara, skólastjórnendur og annað starfsfólk í
skólanum.
Til að tryggja siðferðilegar kröfur rannsókn -
ar innar um virðingu, skaðleysi, velgjörðir og
réttlæti voru viðmælendur upplýstir um tilgang
og markmið rannsóknarinnar áður en viðtölin
áttu sér stað og þeim heitið algjörum trúnaði og
nafnleynd (sigurður kristinsson, 2003). skrifað
var undir upplýst samþykki og rannsóknin
tilkynnt til persónuverndar.
nefndar hafa verið fjórar meginógnanir við
réttmæti eða trúverðugleika eigindlegra rann -
sókna. í fyrsta lagi að það vanti fyllri mynd af
fyrirbærinu, í öðru lagi að það sé skekkja í úr -
taki, í þriðja lagi að fagleg fjarlægð rann sakanda
sé ónóg og í fjórða lagi að um sé að ræða
ótímabær rannsóknarlok (sigríður Hall dórs -
dóttir, 2003). Hér er einungis um að ræða
helming kennara og því hætta á að fyrsta ógnun -
in sé til staðar. Til að forðast ógnun tvö voru
viðmælendur m.a. valdir með tilliti til kyns,
reynslu og starfsvettvangs. Þeir hófu allir nýlega
störf í nýjum skóla og er því mögulegt að
fjarlægðin sé ekki næg og ógnun þrjú til staðar.
Vegna seinkunar á framkvæmdum við byggingu
skólahúsnæðis og annríkis kennara vegna
ýmissa ófyrirséðra þátta í upphafi skóla starfs
drógust viðtöl á langinn og þau áttu sér ekki öll
stað alveg í upphafi skólans eins og fyrirhugað
var í fyrstu. Því er ógnun fjögur til staðar, þ.e.
að greiningarferlið hafi ekki verið fullþróað og
meiri tíma hefði þurft til að lifa með gögnunum.
niðurstöður
skólastjórinn samsamaði sig sýn vinnuhóps frá
2006 um skólastarfið og taldi skýrslu hans hafa
legið til grundvallar stefnumótun skólans, þar
sem lögð var áhersla á að skólinn væri athvarf
þar sem allir væru með og komið væri til móts
við mismunandi þarfir með samvinnu, um -
hyggju og gleði í skólastarfinu. Hann vill vera
sýnilegur og virkur þátttakandi í hinu daglega
skólastarfi og leggur áherslu á dreifða forystu,
samræðu og lausnaleit. áherslur í starfi og
undir búningur eiginlegs skólastarfs gefa mynd
af viðfangsefnum, viðhorfum, sýn og vænt -
ingum í starfi hins nýja skólastjóra við upphaf
skólastarfs í nýjum skóla. ráðningamál skipa
þar stóran sess.
Áherslur skólastjóra í starfi
skólastjórinn taldi hugmyndir sínar um skóla -
49Að undirbúa nám í nýjum skóla
Tímarit um menntarannsóknir, 7. árgangur 2010
3 Þessar upplýsingar fengust á heimasíðu skólans. Til að tryggja nafnleynd er hennar ekki getið hér.
Tímarit um menntarannsóknir_Layout 1 1/17/11 5:18 PM Page 49