Nesfréttir - 01.10.2014, Síða 10
10 Nes frétt ir
U M H V E R F I S H O R N I Ð
GFF hefur notið stuðnings Selt-
jarnarnesbæjar nánast frá stofnun
samtakanna fyrir 17 árum og
hefur átt ánægjulegt samstarf við
Grunnskóla Seltjarnarness frá árinu
2005. Í gegnum það samstarf hafa
nemendur plantað trjám og grætt
upp rofabörð og gróðurvana mela á
Bolöldu við rætur Vífilfells þar sem
er sameiginlegur afréttur Seltjarnar-
ness og Kópavogs. Á þessum slóðum
vaxa nú upp birkilundir fyrir tilstilli
ungra Seltirninga og GFF.
Samstarfið við Grunnskólann snýst
um móttöku og leiðsögn árgangsins
í 4. bekk sem kemur á vorin (í lok
maí) á Bolöldu til að planta trjám og
græða upp land. Nemendurnir mæla
tráplönturnar á hæð og breidd við
gróðursetningu. Á haustin koma
svo nemendur 9. bekkjar og kanna
hvernig þeim plöntum vegnar sem
þeir sjálfir gróðursettu fyrir rösklega
fjórum árum, þá sem nemendur 4.
bekkjar. Nemendur 9. bekkjar vinna
svo áfram í skólastofunni með afrak-
stur leiðangranna. Úrvinnslunni er
ætlað að gefa nemendum jarðteng-
ingu í náttúrufræði og í stærðfræði,
þegar þeir takast á við að ákvarða
vöxt plantnanna út frá þeim gögnum,
nýjum og eldri, sem þeir hafa undir
höndum. Þeir geta m.a. reiknað kole-
fnisbindingu úr andrúmsloftinu af
völdum þeirra plantna sem þau hafa
gróðursett á þessu fyrrum hrjóstruga
svæði.
Fjóla Höskuldsdóttir, Valgerður
Johnsen og Kirsten Vansgaard ken-
narar við Grunnskóla Seltjarnarness
eru þeir starfsmenn skólans sem
unnið hafa með nemendum og GFF
að þessum verkefni.
Þann 15. september sl. fór hluti
umhverfisnefndar og Gísli Her-
mannsson yfirmaður umhverfissviðs
Seltjarnarnesbæjar í vettvangskön-
nun á Bolöldu ásamt Birni Guðbrandi
Jónssyni framkvæmdastjóra GFF
og samstarfsmanni hans Kristjáni
Hreinssyni og skoðuðum við þetta
áhugaverða samstarf, sem umhverfis-
nefnd styður heilshugar.
Heimildir: Björn Guðbrandur
Jónsson.
F.h. umhverfisnefndar,
Margrét Pálsdóttir, formaður.
Gróður fyrir fólk í
Landnámi Ingólfs
Menningarnefnd Seltjarnarness auglýsir eftir
umsóknum frá listamönnum búsettum á
Seltjarnarnesi og/eða rökstuddum
ábendingum um nafnbótina
Bæjarlistamaður Seltjarnarness 2015.
Nafnbótinni fylgir starfsstyrkur. Umsækjendur eru
beðnir um að haga umsóknum í samræmi
við reglur um Bæjarlistamann sem finna má
á heimasíðu bæjarins www.seltjarnarnes.is.
Umsóknum og/eða ábendingum skal skilað
á Bæjarskrifstofur Seltjarnarness,
Austurströnd 2, 170 Seltjarnarnes merkt:
„Bæjarlistamaður 2015“ eða á
netfangið soffia@seltjarnarnes.is
fyrir 21. nóvember
Bæjarlistamaður
seltjarnarness 2015
Menningarnefnd
Seltjarnarness