Nesfréttir - 01.11.2014, Blaðsíða 11
Nes frétt ir 11
Ábending vegna atriðis í
greininni Umhverfishornið
á bls. 10 í október Nesfrétta
undirritaðri af Margréti Pálsdóttur.
Þar kemur meðal annars fram
að «hafa nemendur grætt upp
rofabörð og gróðurvana mela á
Bolöldum við rætur Vífilfells þar
sem er sameiginlegur afréttur Selt-
jarnarness og Kópavogs».
Réttara er að segja að vestari
hluti Bolalda og vesturhlíð Vífils-
fells í mörk við Sveitarfélagið Ölfus
eru í afrétti Seltjarnarneshrepps
hins forna sem er óskiptur afréttur
Seltjarnarness, Kópavogs og Reyk-
javíkur. Fjárlaust hefur verið á Selt-
jarnarnesi í nær 50 ár en enn er fé í
Reykjavík og Kópavogi sem réttað
er í lögrétt sveitarfélaganna þriggja
á Fossvöllum, skammt austan við
Lækjarbotna norður af Selfjalli. Það
land sem verið er að fjalla um hefur
verið friðað síðan 2001 þegar sá hluti
afréttarins, sem er sunnan Suður-
landsvegar, var friðaður. Fjáreigend-
ur hafa verið með uppgræðslu síðan
2001 inn af Fóelluvötnum, nokkuð
með hrossa- og sauðataði en þó
mest með tilbúnum áburði. Þeir,
ásamt sveitarfélögunum og Land-
græðslu ríkisins græddu upp um 150
hektara á árabilinu 1979 til 2000 við
Arnarnípur, þar sem ljósvitinn er og
vestur í Lakheiði en það lenti inni á
friðaða svæðinu 2001. Var þá orðið
algróið og sést vel á gróðurkortum.
Í uppgræðslunni á beitilandinu er
mest gras og lágvaxnar jurtir en
beitarálagið er mjög lítið miðað
við það sem áður var. Til fróðleiks
má geta þess að um 1960 voru um
5000 vetrarfóðraðar kindur í þes-
sum þremur sveitarfélögum en nú
innan við 300. Seltjarnarnes heldur
að sjálfsögðu fullum beitarrétti þótt
þar sé fjárlaust og hluti afréttarins
teljist nú til þjóðlendu. Til gamans
má geta þess að Seltjarnarnes hefur
sveitarfélagsstafina K4 í markaskrám.
Kærar þakkir fyrir gott blað.
Ólafur Dýrmundsson.
Bolaöldur - alfriðaðar
frá 2000
www.borgarblod.is
Jólin nálgast og margur er farinn að hugleiða hvað skal nú hafa í matinn á jólunum.
Hjá mörgum er slíkt í föstum skorðum og jafnvel löngu ákveðið hvaða veisluréttur
verður á jólaborðinu. Hitt er oft erfiðara hvaða ljúfa vín skal hafa með hátíðarréttinum.
Því gerum við bragð úr ellefta boðorðinu í ár og sleppum uppskriftum.
Þess í stað leggjum við sérstaka áherslu á hvaða víntegundir passa best með jólamatnum.
Montalto Organic Nero
d‘Avola (lífrænt ræktað)
– Sikiley 1.799 kr.
Rúbínrautt.
Létt meðalfylling, ósætt, fersk
sýra, miðlungstannín.
Rauð ber, bláber, pipar,
laufkrydd
Lindemans
Chardonnay Bin 65
– Ástralía
2.250 kr.
Ljóssítrónugult.
Meðalfyllling, þurrt, fersk sýra.
Ferskja, eplakjarni, melóna.
Castillo de Molina
Reserva Chardonnay
– Chile
2.230 kr.
Sítrónugult.
Meðalfylling, þurrt, fersk sýra.
Suðrænir ávextir, vanilla, eik.
Matua Sauvignon Blanc
– Nýja Sjáland
2.299 kr.
Fölsítrónugult.
Meðalfylling, ósætt, fersk
sýra. Sítrus, stikilsber,
passjón.
M a t u r o g v í n :
KALKÚN HUMAR
Súsanna Svavarsdóttir
heldur utan um taumana á
höfundakvöldi Bókasafns Selt-
jarnarness þar sem fram koma
fjórir af merkustu rithöfund-
um landsins 25. nóvember.
Höfundarnir eiga það
sameiginlegt að gefa út bækur
um þessar mundir en þeir
eru Einar Kárason, Gerður
Kristný Guðjónsdóttir, Guðrún
Eva Mínervudóttir og Stefán
Máni Sigþórsson. Höfunda-
kvöld Bókasafns Seltjarnarness
hafa notið mikilla vinsælda og
jafnan verið húsfyllir. Dagskráin
stendur frá kl. 20 til 22 og er
boðið upp á kertaljós, kaffi og
smákökur. Aðgangur er ókeypis
og allir eru velkomnir.
Höfundakvöld
í Bókasafninu