Vesturbæjarblaðið - 01.12.2007, Blaðsíða 24
Þegar borgir stækka er tilhneig-
ing til firringar, að tengsl rofni milli
heimilis og vinnustaðar og að til-
finning fyrir nærumhverfi minnki.
Við getum spurt okkur hve vel við
þekkjum granna okkar, hvernig
okkur gangi samstarfið við skóla
barna okkar og hve vel við hugum
að nánasta umhverfi okkar? Ein
leið til að vinna gegn neikvæðum
áhrifum sístækkandi borgarsam-
félags er að vinna nálægt heim-
ilinu og hefur það ýmsa kosti í
för með sér. Hér verða lögð fram
þrenn rök sem snerta þetta og
snúa að buddunni, umhverfis-
málum og fjölskyldunni. Þessar
hugleiðingar eru settar fram sem
liður í því að laða fólk til starfa
hjá Reykjavíkurborg, sem er að
jafnaði stærsti atvinnurekandinn
í hverfum borgarinnar og býður
upp á þann möguleika að vinna
nálægt heimilinu.
Hagkvæmara
Það er hagkvæmara fyrir okkur
að ferðast stuttar vegalengdir í
vinnuna. Til að byrja með má
velta upp fjárhagslegum kostum
þess að starfa nálægt heimili.
Miðað við upplýsingar af heima-
síðu Félags íslenskra bifreiðaeig-
enda má reikna með að það kosti
a.m.k. 120 þúsund krónur á ári að
aka til og frá vinnu. Þessi kostn-
aður hækkar svo ef skjótast þarf á
foreldrafundi eða sækja aðra þjón-
ustu í heimahverfi viðkomandi.
Oft eru keyptir aukabílar á heim-
ilin til að auðveldara sé fyrir alla
fjölskyldumeðlimi að sækja vinnu
um langan veg og því til mikils
að vinna ef hægt er að spara sér
slíkar fjárfestingar. Valkostirnir
er augljóslega þeir að geta gengið,
hjólað eða tekið jafnvel strætis-
vagn innan hverfis í vinnuna.
Umhverfisvænna
Það er umhverfisvænna að geta
hjólað eða gengið í vinnuna og
stuðla þar með að sjálfbæru sam-
félagi. Margvísleg vandamál fylgja
mikilli bílaumferð. Til dæmis skap-
ar umferðaröngþveiti við skóla
á morgnana
mikla hættu
og veldur
l o f t m e n g -
un en oft
er þar um
að ræða for-
eldra á leið
til vinnu á
bílum sínum sem skutla barninu
í leiðinni. Umhverfissvið borgar-
innar hefur ítrekað vakið athygli
á of mikilli svifryksmengun og
því hvernig mikil notkun á bílum
stuðlar að víðtækari vandamálum
s.s. gróðurhúsaáhrifum. Þarna
er um að ræða bæði umhverfis-
og skipulagsmál. Sérfræðingar í
skipulagsmálum hafa lengi bent á
mikilvægi þess að gera fólki kleift
að starfa nálægt heimilum sínum,
slíkt styrki alla innviði borga og
geri þjónustu nærumhverfis skil-
virkari. Viðhorf okkar til nærum-
hverfis / Upplifun okkar af nærum-
hverfinu er einnig mikilvæg. Það
að þekkja sögu, kennileiti og íbúa
þess er hluti af færni okkar í að
umgangast umhverfið af virðingu
og næmni. Tilfinninguna / Upp-
lifunina öðlumst við og styrkjum
meðal annars með því að starfa
þar.
Fjölskylduvænna
Tengsl okkar við börn og for-
eldra okkar skipta gríðarlegu máli.
Fjölskylda og félagsleg tengsl
verða auðveldari þegar nálægðin
er mikil. Með því að starfa nálægt
leik- og grunnskólum barnanna
geta t.d. foreldrar verið í nánari
tengslum við alla þá starfsmenn
sem þeir eiga í samstarfi við um
uppeldi barna sinna og velferð
fjölskyldunnar. Ekki einasta eru
þau tengsl mikilvæg fyrir velferð
okkar heldur hefur þetta einnig
áhrif á hvernig samfélaginu vegn-
ar í heild. Þannig verður til félag-
sauður sem hefur bein áhrif á
aðra þætti samfélagsins s.s. efna-
hagslega þætti. Alþjóðavæðing
(globalism) byggir á þeirri vissu
að við vitum hvaðan við komum.
Því verður stöðugt mikilvægara
að við ræktum eigin garð og hugs-
um staðbundið (locally), hugum
betur að fjölskyldutengslum og
þeim sem koma að fjölskyldunni
í víðara samhengi. Með því að
starfa nálægt heimili styrkjast þau
tengsl óhjákvæmilega.
Nú er hægt er að velja starf hjá
Reykjavíkurborg nálægt heimili.
Í dag vantar a.m.k. fjölda starfs-
manna og möguleiki á starfsvali
í öllum hverfum. Um er að ræða
fjölbreytt störf sem finna má m.a.
á vef Reykjavíkurborgar www.
reykjavik.is undir krækjunni störf
í boði.
Óskar Dýrmundur Ólafsson
framkvæmdastjóri Þjónustumið-
stöðvar Vesturbæjar
24 Vesturbæjarblaðið DESEMBER 2007
Það er gott að vinna í Vesturbænum
Óskar Dýrmundur
Ólafsson.