Dagblaðið Vísir - DV - 16.12.2007, Blaðsíða 20
20 FÖSTUDAGUR 14. DESEMBER 2007
Umræða DV
ÚTGÁFUFÉLAG: Dagblaölð-Vísir útgáfufélag ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Elln Ragnarsdóttir
RITSTJÓRAR:
ReynirTraustason og Sigurjón M. Egilsson ábm.
FULLTRÚI RITSTJÓRA: Janus Sigurjónsson
FRÉTTASTJÓRI: Brynjólfur Þór Guðmundsson
AUGLÝSINGASTJÓRI: Asmundur Helgason
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aösent efni blaösins á stafrænu
formi og í gagnabönkum án endurgjalds.
öll viötöl blaösins eru hljóörituö.
AÐALNÚMER 512 7000, RITSTJÓRN 512 7010,
ÁSKRIFTARSÍMI 512 7080, AUGLÝSINGAR 512 70 40.
SAMDKORX
■ Baráttan á toppi ævisögu-
listans er æsispennandi. Vigdís
Grímsdóttir er á góðu róli með
bók sína
Sagan af Bíbí
Ólafsdóttur.
Skáldkonan
er nú búin
að skjóta lífs-
sögu Guðna
Ágústssonar
eftir Sigmund
Erni Rúnars-
son aftur fyrir sig á metsölulista
Moggans en búist er við æsi-
spennandi baráttu á lokasprett-
inum. Vígdís hefúr það fram yfir
Sigmund að hafa fengið frábæra
dóma fyrir bók sína en Guðni er
umdeildur af ritdómurum.
■ Bjöm Bjarnason dómsmála-
ráðherra brást hart við grein Þór-
arins Þórarinssonar, ritstjóra
Mannlífs, þar sem því er lýst að
ráðherrann muni víkja á þessu
ári og hætta í pólitík. En þótt
ráðherrann neiti þessu er margt
sem bendir til þess að hann sé
á förum. Hann er til ófriðs inn-
an rfkisstjórnar og hefur hjólað
opinberlega í bæði Ingibjörgu
Sólrúnu Gísladóttur út af fanga-
flugi og Þorgcrði Katrínu Gunn-
arsdóttur menntamálaráðherra
vegna þess að hún er að útrýma
þjóðkirkjukristni úr skólum
landsins. Þá er stöðugur nún-
ingur milli hans og Guðlaugs
Þórs Þórðarsonar heilbrigðis-
ráðherra.
■ Þorgcrður Katrín Gunnars-
dóttir menntamálaráðherra er
annars í skondinni stöðu í deil-
um um Þjóðkirkjuna og skól-
ana. Stærstur hluti þjóðarinnar
fylgir Þjóðkirkjunni að málum
en menntamálaráðherrann er
kaþólikki. Hún hefur því sem
aðili að litlum sérsöfnuði dýpri
skilning en
margur á því
að nauðsyn-
legt kunni
að vera að
minnka
völd ríkis-
kirkjunnar.
Og það er
skilningur
margra að það sé einmitt þess
vegna sem hún er svo jákvæð
fyrir því að ýta lútersku kirkj-
unni út úr skólunum.
■ Jón Helgi Guðmundsson,
eigandi Norvik og Byko, sagði
í samtali við Vísi.is á dögun-
um að hann gréti það ekki þótt
tímaritinu ísafold yrði lokað og
það fækkaði um einn Baugs-
miðil í landinu. Daginn eftir
að þessi harkalegu ummæli
féliu brann timburverksmiðja
hans í Lettlandi. Jóni Helga var
að vonum
mjög brugð-
ið við þann
atburð en
fagnaði því
þó að fólk
hefði slopp-
ið óskaðað
frá brunan-
um. Þrátt
fyrir stórtap
á Kaupási og öðrum fyrir-
tækjum er enginn bilbugur á
auðmanninum og hyggst hann
byggja aftur upp í Lettlandi.
rt@dv.is
LEIÐARI
Bensínið hækkar lánin
SIGURJÓN M. EGILSS0N RITSTJÓRISKRIFAR. Höfuöstólar láiui Itarkka itmfram uppluiflegijíjjárhíed þráttfyrir að afborganir séu himinliáar.
Meðan orkuverð í útlöndum hækkar, hækka lán íslenskra
skuldara. Bankarnir og aðrir sem hafa lánað eflast og
græða óhemjufjármuni án þess að hafa nokkuð til þess
unnið. Olíuverð skiptir miklu máli í vísitölureikning-
um og þess vegna hækka skuldir okkar þegar verð breytist af
völdum manna sem vita ekki einu sinni að ísland er til.
Það þarf ekH nema að olíuleiðsla í fjarlægu landi fari
sundur. Þá hækka lán íslenskra heimila. Aðrar þjóðir
binda ekki lánin vísitölu og þó olíuverð hækki um -• -
allan heim, hækka bara lán íslendinga. Aðrar þjóð-
ir gera ekki svona.
Stjórnarþingmaðurinn Ágúst Ólafur Ágústsson
sagði í DV að svona ætti þetta að vera. Sama gildi
um kostnað af húsnæði. Fáar þjóðir reikna húsnæð-
iskostnað í vísitölu af sama afli og við gerum. Flest-
ar þjóðir hafa valið aðra og áhrifaminni reikniaðferð.
Leiðrétting á misbeitingu verðtryggingar er fjarri með-
an Ágúst Ólafur og hans skoðanabræður fara með vald-
stjórnina. Því miður. Þeir sömu vilja ekki afnema stimpilgjöld,
en þau tryggja lánveitendum tak á skuldurum. Dýrt er að skipta um
lánveitendur vegna stimpilgjaldanna. Allt þetta sýnir að hinn venju-
legi skuldari á undir högg að sækja. Ekki er áhugi til að veikja út-
reikninga vísitölunnar, sennilegast er það vegna verkkvíða, og afnám
stimpilgjalda verður ekki í nánustu framtíð. Það hefúr verið boðað,
en bara ekki strax.
Ekkert er gefandi fyrir skýringar þingmannsins. Aðrir hagspeking-
ar hafa ítrekað bent á að hægt sé að breyta grunni vísitölunnar.
Sérstaklega hvað varðar húsnæðiskostnað. Og hvað varðar
olíuverðið sem hækkar sífellt telur hann ómögulegt að
r; lækka vægi þess í vísitölunni. Þetta er rangt hjá hon-
um. í DV í gær benti hann á að það myndi gefa ranga
mynd af neysluvenjum landsmanna ef þessi eini
þáttur væri tekinn út úr mælingunni. Það væri eins
og að taka hitamælinn úr sambandi. Það er hægt
að gera annað en taka rnælinn úr sambandi. Það
er hægt að hækka eða lækka hitann, opna eða loka
glugganum, laga sig að aðstæðum. Vel má vera að til
þess þurfi að standa á fætur og aðhafast. En fólk gerir
það. Ekki fer á milli mála að hátt fasteignaverð og hátt
olíuverð íþyngir skuldurum verulega og færir milljarða
frá heimilunum til eigenda peninganna.
Það hefur komið fram rökstudd gagnrýni á forsendur vísitölu-
útreikninga. Greinilega hlusta þeir ekki sem ráða. Meðan skekkist
myndin enn frekar. Höfuðstólar lána hækka umfram upphaflega fjár-
hæð þrátt fyrir að afborganir séu himinháar. Er það draumastaðan?
Eða er til of mikils ætlast að ráðamenn lagi það sem að er?
Asgeir Davíðsson, veitinga-
maður og súlukóngur á
Goldfinger, er maður sjálfum
sér samkvæmur. Það væri of djúpt í
árinni tekið að kalla hann Sópranó
íslands en hann er samt gríðar-
lega klár náungi og vonandi réttum
megin við strildð í lagalegum skiln-
ingi. Geir hefur alla tíð verið stoltur
af því að reka súlustað og staðið
teinréttur í baki þegar femínistar
hafa ausið hann óbótaskömmum
fyrir það að skapa konum atvinnu
við að dansa naktar í kringum súlu.
Einhverjir hafa talað um mansal
vegna þess að dansmeyjarnar séu
lokaðar inni á frívaktinni en Geiri
hefur blásið á þá gagnrýni og sagt
að hann sé að halda þeim frá vændi
og misyndi.
VEIÐIV0PÐUR
SVARTIIÖFDI
En það er þannig með næt-
urklúbba að þeir verða að
hafa starfsfrið. Geiri hefur
notið góðs af því að lifa og starfa
í Kópavogi þar sem yfirvöld skilja
að súlustaður er ekkert verri en
hver annar bar. Og þegar Reykvík-
ingar reka súlukóngana í burtu tek-
ur Gunnar Birgisson bæjar-
stjóri í Kópavogi glaður á
móti atvinnutækifærun-
um. Bæjarstjórinn hefur
enda ríkan skilning á
því að súlustaðir eru til
gagns. Sjálfur hefur hann
vísað til þess að súlan slái
á vændi á götum úti. Og það
eru engar heimildir til um það að
vændiskonur séu á götum Kópa-
vogs.
Sjálfur Geiri á Goldfinger hefur
margvísleg áhugamál önnur
en þau að gefa konum at-
vinnutækifæri. Hann er einstak-
lega meðvitaður um að það þarf að
vemda fiskistofna fyrir veiðiþjófn-
aði. Þetta hefur setið í honum
allar götur frá því hann var
á varðskipum forðum og
hélt veiðiþjófum í skefjum.
Geiri býr á vatnsverndar-
svæðinu við Elliðavatn þar
sem öndvegissúlur hans
rak á land á sínum tíma. Af
hlaðinu hefur hann séð þegar
óprúttnir aðilar stálu sér í soðið.
Þetta var ófremdarástand og með
tilstilli vina sinna í Kópavogi fékk
hann að verða veiðivörður í sjálf-
boðavinnu. Allir vita að laganna
verðir verða að fara um á hrað-
skreiðum vélknúnum farartækjum
og Geiri fékk undanþágu til að vera
með bát á vatninu. Gamli varð-
skipsmaðurinn með súluhjartað
hefur undanfarin misseri siglt hrað-
byri um vatnið og haldið veiðiþjóf-
um frá. Þarna fara saman áhugamál
veitingamannsins og Sópranós sem
einnig á snekkju þótt hann sigli
ekki um vatnsverndarsvæði.
Lífið við Elliðavatn er svo
sannarlega ljúft. Ráðvilltar
súlur hnita hringi í háloft-
unum og stinga sér eins og pílur
ofan í vatnið eftir bráð. Eftir að
hafa farið í eftirlitsferð um vatnið
þar sem einu veiðiþjófarnir eru
liggur leiðin gjarnan á Goldfinger.
Þar er sest niður í góðra vina hópi,
gjarnan með ráðamönnum bæj-
arfélagsins og drukkin skál. íðil-
fagrar súludansmeyjar ganga um
beina og gleðja karlmennin sem
bergja á bikar lystisemda lífsins.
Fyrirkomulagið er gott fyrir alla,
hvað svo sem femínistar segja.
Næg atvinna í bland við skemmt-
un sem jafnframt slær á vændi á
götum úti. Veiðivörðurinn við EU-
iðavatn er svo sannarlega í essinu
sínu. Það er gott að búa í Kópa-
vogi.