Peningamál - 01.02.2002, Blaðsíða 57

56 PENINGAMÁL 2002/1
Apríl 2001
Hinn 17. apríl tók ríkissjóður 250 millj.evra lán með
milligöngu Dresdner Bank.
Hinn 26. apríl var Frjálsi fjárfestingarbankinn hf.
tekinn af skrá Verðbréfaþings Íslands. Kaupþing hf.
og aðilar sem stóðu sameiginlega að kaupum á
Frjálsa fjárfestingarbankanum hf. hafa eftir yfirtöku-
tilboð eignast 98,64% af heildarhlutafé félagsins og
uppfyllir það því ekki lengur skilyrði til skráningar á
Verðbréfaþingi Íslands hf.
Maí 2001
Hinn 4. maí birti Seðlabanki Íslands fyrstu verð-
bólguspá sína eftir að bankinn tók upp verðbólgu-
markmið. Seðlabankinn spáði því að verðbólga á
seinni hluta þessa árs gæti orðið allt að 6% og yrði
5,7% yfir árið. Spáin byggðist á þeim forsendum að
gengi krónunnar yrði óbreytt frá 26. apríl út spá-
tímann og að ekki yrði röskun á kjarasamningum.
Hinn 4. maí tilkynnti alþjóðalánshæfismatsfyrirtækið
Fitch að það hefði gefið Landsbanka Íslands hf. láns-
hæfiseinkunnina A fyrir langtímalán og F1 fyrir
skammtímalán. Einkunnin F1 er besta einkunn sem
fyrirtækið gefur. Að íslenska ríkinu undanskildu
hefur enginn íslenskur lántakandi fengið betri láns-
hæfiseinkunn.
Hinn 21. maí ákvað Lánasýsla ríkisins fyrir hönd
fjármálaráðherra að taka tilboðum Landsbanka Ís-
lands hf., Búnaðarbanka Íslands hf., Sparisjóðabanka
Íslands hf. og Kaupþings hf., sem buðu lægsta þókn-
un í viðskiptavakt á fimm flokkum ríkisverðbréfa.
Lánasýslan greiðir viðskiptavaka veltuþóknun sem
er 0,1% af fjárhæð viðskipta hans með umræddan
flokk og reiknast þóknun miðað við mánaðarlega
veltu á Verðbréfaþingi Íslands. Heildarþóknun getur
þó aldrei orðið meiri en 140 m.kr. á ári sem deilist á
viðskiptavaka.
Júní 2001
Hinn 8. júní tilkynnti Verðbréfaþing Íslands um
breytingu á samsetningu úrvalsvísitölunnar fyrir
tímabilið frá 1. júlí 2001 til 1. janúar 2002. Þrjú ný
félög komu inn í vísitöluna. Þau eru Kaupþing hf.,
Olíufélagið hf. og SÍF hf. og koma í stað Granda hf.,
Þormóðs ramma-Sæbergs hf. og Opinna kerfa hf.
Hinn 13. júní voru hlutabréf Íslandssíma hf. skráð á
aðallista Verðbréfaþings Íslands. Skráð hlutafé var
kr. 587.995.000.
Hinn 20. júní tilkynnti Íbúðalánasjóður að ákveðið
hefði verið að efna að nýju til sölu á húsnæðisbréfum
í 1. og 2. flokki 1996. Stefnt er að útboðum 27. júní,
1. september, 1. október, 1. nóvember og 1. desem-
ber. Gert er ráð fyrir að á þessu ári verði boðið til sölu
nægilegt magn bréfa úr þessum flokkum til að mæta
þeirri fjárþörf Íbúðalánasjóðs sem ekki verður mætt
með útgáfu húsbréfa.
Hinn 21. júní greip Seðlabanki Íslands inn í við-
skipti á gjaldeyrismarkaði í fyrsta skipti eftir að verð-
bólgumarkmið var tekið upp. Gengisvísitala krón-
unnar hafði stigið hratt daginn áður og hélt áfram að
hækka við opnun markaðarins. Seðlabankinn seldi
Bandaríkjadali fyrir 2,5 ma.kr. sem varð til þess að
vísitalan gekk til baka og ró komst á markaðinn.
Hinn 22. júní tilkynnti fjármálaráðuneytið að
ákveðið hefði verið að ríkissjóður tæki erlent lán að
fjárhæð 25 ma.kr. til þess að efla erlenda stöðu Seðla-
bankans. Í tilkynningu ráðuneytisins kom fram að
stefnt væri að því að hluti andvirðis lánsins verði
eiginfjárframlag til bankans í ljósi nýrra laga um
Seðlabankann sem gera ráð fyrir eflingu eiginfjár-
stöðu hans.
Hinn 26. júní tilkynnti viðskiptaráðherra að hafinn
yrði undirbúningur sölu á a.m.k. þriðjungi hlutafjár í
Landsbanka Íslands hf. til kjölfestufjárfestis. Ráðgert
er að salan fari fram fyrir árslok 2001. Samkvæmt
ákvörðun ráðherra er skilyrði að sala á slíkum hlut
leiði til aukinnar samkeppni á íslenskum fjármála-
markaði og auki samkeppnishæfni hans.
Júlí 2001
Hinn 1. júlí tóku gildi breytingar á innlendum gjald-
eyrismarkaði í samræmi við samkomulag sem banka-
stjórn Seðlabankans og forsvarsmenn viðskiptavaka
á gjaldeyrismarkaði höfðu gert síðla júnímánaðar.
Viðskiptavakarnir eru Búnaðarbanki Íslands hf.,
Íslandsbanki hf., Kaupþing hf. og Landsbanki Ís-
lands hf. Breytingin felur í sér að Seðlabankinn mun
til loka þessa árs greiða viðskiptavökunum umbun
eftir vissum reglum fyrir að sinna hlutverki sínu en á
þeim hvíla ríkar skyldur.