Peningamál - 01.02.2002, Blaðsíða 58

PENINGAMÁL 2002/1 57
Hinn 1. júlí tóku gildi ný lög um vexti og verðtrygg-
ingu nr. 38/2001 sem komu í stað laga nr. 25/1987.
Nýju lögin kveða á um margvíslegar breytingar,
meðal annars að því er varðar dráttarvexti og
birtingarskyldu Seðlabankans á vöxtum.
Hinn 6. júlí tók gildi ný gengisskráningarvog. Sam-
setning hennar er endurskoðuð árlega í ljósi sam-
setningar utanríkisviðskipta árið áður. Meðfylgjandi
tafla sýnir nýju gengisskráningarvogina og breyting-
ar frá árinu áður.
Hinn 16. júlí tóku gildi nýjar reglur VÞÍ um birtingu
frétta vegna milliupgjöra skráðra félaga. Frá og með
þriðja ársfjórðungi er skráðum félögum á VÞÍ skylt
að birta milliuppgjör ársfjórðungslega.
Ágúst 2001
Hinn 27. ágúst ákvað félagsmálaráðherra að breyta
viðmiðun húsbréfalána við brunabótamat. Til þess
tíma hafði viðmiðunin verið 65% eða 70% af kaup-
verði eignar eða brunabótamati eftir því hvort var
lægra og hvort um kaup á fyrstu íbúð var að ræða.
Ráðherra ákvað að frá og með 1. september 2001
yrði viðmiðunin 65% eða 70% af kaupverði, þó ekki
hærri en 85% af brunabótamati.
September 2001
Hinn 24. september rann út skilafrestur væntanlegra
kjölfestufjárfesta í Landssíma Íslands hf. Alls bárust
17 tilkynningar þar sem fjárfestar lýsa yfir áhuga á að
gerast kjölfestufjárfestar í Landssíma Íslands hf.
Hinn 26. september var tilkynnt að bankaráð Búnað-
arbanka Íslands hf. og stjórn Lýsingar hf. hefðu sam-
þykkt fyrir sitt leyti samruna félaganna með þeim
hætti að Lýsing hf. yrði sameinuð Búnaðarbank-
anum. Tillögur þessa efnis verða lagðar fram til
samþykktar á hluthafafundum félaganna sem áætlað
er að halda laugardaginn 10. nóvember 2001.
Seðlabanki Íslands tilkynnti að gengið hefði verið frá
erlendri lántöku ríkissjóðs sem ætlað var að styrkja
erlenda stöðu Seðlabankans, sbr. tilkynningu fjár-
málaráðuneytisins frá júní 2001.
Október 2001
Hinn 4. október var tilkynnt að ríkisstjórnin hefði
ákveðið að beita sér fyrir víðtækum umbótum í
skattamálum einstaklinga og atvinnulífs. Í fyrsta lagi
verða gerðar margvíslegar breytingar á skatthlut-
föllum og viðmiðunarstærðum skattkerfisins bæði
hjá einstaklingum og fyrirtækjum. Í öðru lagi verða
verðbólgureikningsskil afnumin enda eru þau orðin
sjaldgæf í reikningsskilareglum og skattkerfum
annarra ríkja. Í þriðja lagi verður skattaleg meðferð
við yfirfærslu einstaklingsrekstrar í einkahlutafélags-
form samræmd reglum um yfirfærslu milli annarra
félagsforma. Í fjórða lagi verða gerðar ýmsar aðrar
breytingar varðandi túlkun og framkvæmd skatta-
laga.
Hinn 22. október staðfesti bandaríska matsfyrirtækið
Standard & Poor's óbreytt lánshæfismat fyrir Ísland
eða A+ í einkunn á langtímaskuldbindingum. Horfur
um einkunnina voru taldar neikvæðar en voru áður
stöðugar.
Hinn 29. október rann út frestur til að skila inn
óskuldbindandi verðtilboðum í 25% hlutafjár í
Landssíma Íslands hf. Um var að ræða annan áfanga
í einkavæðingu félagsins þar sem markmiðið er að
finna kjölfestufjárfesti sem styrki fyrirtækið, auki
verðmæti þess og efli íslenskan fjarskiptamarkað.
Ný gengisskráningarvog (%)
Byggt á viðskiptum 2000
Út- Inn- Gengis- Breyting
flutn- flutn- skráning- frá fyrri
Lönd Mynt ingsvog ingsvog arvog vog
Bandaríkin .......... USD 26,13 27,86 26,99 1,73
Bretland .............. GBP 14,92 14,61 14,77 0,40
Kanada................ CAD 1,76 0,96 1,36 -0,07
Danmörk............. DKK 8,29 9,07 8,68 -0,21
Noregur............... NOK 5,94 6,21 6,08 -1,53
Svíþjóð ............... SEK 2,49 6,40 4,44 0,37
Sviss ................... CHF 2,40 0,90 1,65 -0,46
Evrusvæði........... EUR 33,78 29,54 31,66 0,23
Japan................... JPY 4,29 4,45 4,37 -0,47
Norður-Ameríka............. 27,89 28,82 28,35 1,66
Evrópa ........................... 67,82 66,73 67,28 -1,19
Evrópusambandið .......... 59,48 59,62 59,55 0,80
Japan ............................. 4,29 4,45 4,37 -0,47
Alls................................. 100,00 100,00 100,00 0,00