Peningamál - 01.08.2002, Blaðsíða 3

skal að markmið kaupanna verður að styrkja gjald-
eyrisstöðu bankans en ekki að að stuðla að því að
gengi krónunnar haldist innan ákveðinna marka.
Verðbólguspáin og greiningin á ástandi og
horfum í efnahagsmálum sem hér eru kynntar skapa
forsendur fyrir frekari lækkun vaxta Seðlabankans.
Raunvextir bankans eru nú rúmlega 5½% og reyndar
hærri ef miðað er við verðbólguspá eitt ár fram í
tímann. Þessir vextir eru fyrir ofan jafnvægisraun-
vexti og of háir í ljósi vaxandi slaka. Bankinn hefur
því ákveðið að lækka vexti sína í endurhverfum
viðskiptum við lánastofnanir um 0,6 prósentur. Þeir
verða lækkaðir frekar á komandi mánuðum ef fram-
vindan staðfestir að verðbólgumarkmið bankans
muni nást og þróun eftirspurnar verður eins og nú er
útlit fyrir. Vaxi eftirspurn hins vegar hraðar en nú er
talið líklegt gæti þetta auðvitað breyst. Síðar gætu
stóriðjuframkvæmdir einnig stuðlað að meiri spennu
en ella á vöru- og vinnumörkuðum og þar með krafist
viðbragða af hálfu Seðlabankans í tæka tíð. Eins og
rökstutt er í næstu grein er þó enn ekki tímabært að
taka sérstakt tillit til þeirra við ákvörðun stýrivaxta
Seðlabankans.
2 PENINGAMÁL 2002/3