Dagblaðið Vísir - DV - 23.05.2008, Qupperneq 26

26 FÖSTUDAGUR 23. MA( 2008
Umræöa DV
HVAÐ BAR HÆST í VIKUNNI?
Meira stress en á sviði
„Ætli það sé ekki úrslitaleikur Meistara-
deildar Evrópu, það var bara einn magn-
aðasti leikur sem ég hef séð. öll umgjörð-
in í kringum leikinn var æðisgengin og
væntingarnar fyrir þennan leik miklar því
það var svo óvíst hver myndi vinna leikinn.
Seinna kom það í ljós að þetta varð að fara
alla leið í bráðabana. Ég var bara að hugsa
um það að við erum að tala um að það sé
stress á manni þegar maður stígur á svið en
það er ekkert miðað við stressið sem hefúr
verið á John Terry og Ronaldo þegar þeir
tóku spyrnumar. Þeir em báðir óskaplega
góðir knattspyrnumenn og það að þeir
misnotuðu vítin sín sýnir bara hvað þetta
er æðisgengið álag. Þetta er ekki mannlegt
álag sem fýlgir svona vítaspyrnukeppni."
Ragnar Bjarnason, tónlistarmaður
Vöxtur í landbúnaði
„Hjá mér persónulega bar hæst í vik-
unni 20 ára stúdentsafmælið mitt á Bifföst
þar sem ég hitti gamla bekkjarfélaga mína.
Þetta var mjög sérstakur tími og maður
þroskaðist mjög mikið þannig að það var
mjög gaman að hitta þessi gömlu bekkj-
arsystkini og fara f gamla gírinn. En svona
fréttnæmt í vikunni er það málefni flótta-
fólks á Akranesi þar sem sitt sýnist hverj-
um. Það er svona það sem bar hæst. Svo er
það landbúnaðurinn, það var 6 kílóa lamb
sem ær bar í Hvalfjarðarsveitinni þar sem
ég þekki vel til. Þetta er greinilega vöxtur í
íslenskum landbúnaði þar sem ég er nýlega
búinn að flytja fréttir af átta kílóa lambi.
Ég myndi segja að bændur séu farnir að
bregðast við þrengingum með að fá stærri
lömb út úr hverri á. En svo um íþróttim-
ar er sigur Skagamanna á Fram líka mjög
góður sem sýnir að mínir menn em komnir
á skrið."
Gísli Einarsson, fréttamaður á RÚV
Mesta einkavinavæðing
sögunnar
„Það sem hefúr komið mér mest á
óvart í vikunni er stórfrétt sem einhverra
hluta vegna rataði ekki í fjölmiðla. Þeir
hafa að mestu þagað yfir einhverri mestu
einkavinavæðingu sem átt hefúr sér stað
í íslandssögunni. Ríkisstjórnin er búin að
setja ný lög um tekjuskatt sem afnema
skattaskuldir stórfýrirtækja fjögur ár aftur
í tímann. Þau fela í sér að það á að þurrka
út hátt í hundrað milljarða króna skatt sem
er söluhagnaður lögaðiia sem eiga hluta-
bréf. Þetta var gert með einu pennastriki.
Þeir sem hagnast á þessu em meðal annars
bankarnir, tryggingafélögin og fjárfest-
ingafélögin. Stöð 2 er eini miðillinn sem
sagt hefur frá þessu. Ég var með hagfræð-
ing frá ASf hjá mér í gærmorgun sem sagði
að þeir hefðu mótmælt þessu harðlega en
talað fyrir daufum eymm. Þetta gerir rík-
isstjómin á sama tíma og verið er að biðja
almenning um þjóðarsátt."
Arnþrúður Karlsdóttir, útvarpskona
Tímamót í umhverfisvernd
„Upp úr stendur ákvörðun stjómar
Orkuveitu Reykjavíkur að nema staðar
með undirbúning að Bitmvirkjun. Akvörð-
unin var tekin í þverpólitískri sátt og mark-
ar tímamót með því að náttúruvemdar-
og umhverfissjónarmið skipa sífellt stærri
sess í umræðu og ákvarðanatöku. Alit
Skipulagsstofnunar var óvenju afdráttar-
laust og hlýtur að vera öllum umhverfis- og
náttúmverndarsinnum mikið fagnaðar-
efni. f kjölfarið hljóta menn að velta fýrir
sér hvaða áhrif ákvörðunin hefúr á stór-
iðjuuppbyggingu á suðvesturhorninu og
aðra virkjanakosti sem'hafa verið í farvam-
inu á vegum Orkuveitunnar og annarra
orkufýrirtækja. Það er löngu tímabært að
virkjana- og stóriðjuæðinu linni og náttúr-
an njóti vafans. Orkuveita Reykjavíkur vill
vera fyrirtæki í ffemstu röð að því er um-
hverfismál varðar og sannarlega hafði allt-
af staðið til að taka fullt tillit til umhverf-
issjónarmiða á Bitrusvæðinu. Um það var
stjórn Orkuveitu Revkjavíkur sammála."
Svandís Svavarsdóttir, borgarfulltrúi VG
Dyrhólaeyjarferðir
Sjó- og landferðir
Upplifið einstakar ferðir um Dyrhólaeyjarsvæðið
á hjólabáti - í návígi við stórbrotna nátturu og fjölbreytt fuglalff.
Förum með stóra og smáa hópa eftir samkomulagi.
Upplýsingar f sfma 487 8500 & 893 6800 www.dyrholaey.com