Glóðafeykir - 01.05.1967, Blaðsíða 35
GLÓÐAFEYKIR
35
Og öðru sinni.
Þung á brúnir þokan er,
þekur byggðir í'ríðar,
felur líka fyrir mér
fjöllin Blönduhlíðar.
Sólarbjarmi.
Alltaf þráir andi minn
ástargeisla bjarta.
Vermi sólin, frið ég finn
og fögnuð streyma um hjarta.
Brotinn penni.
Þeim, er semja ljóð af list
lofgerð aldrei þrotni.
En það er ekki mikils misst
minn þótt penni brotni.
María Rögnvaldsdóttir.
Tilraunasláturhús Frainleiðsluráðs, Borgarnesi
Á síðustu árum hafa kröfur erlendra og innlendra aðila til slátur-
húsa vaxið, enda hefur víða verið slátrað árum saman með undan-
þágu. Á Alþingi 1966 voru samþykkt ný lög varðandi sláturhúsin
og í þeim var tekið fram, að undanþágur mætti ekki veita nema
þrjú ár í senn frá gildistöku laganna. Vegna þessa var sýnilegt, að
miklar breytingar yrði að gera á sláturhúsunum í náinni framtíð.
Augljóst var einnig, að slíkar breytingar yrðu dýrar og ekki hag-
kvæmt að koma þeim á, nema í stórum sláturhúsum og þess vegna
þyrfti jafnframt endurbyggingum og endurbótum að fækka slátur-
húsuuum verulega, og byggja upp stærri einingar.