Glóðafeykir - 01.05.1967, Blaðsíða 39
GLOÐAFEYKIR
39
Fallnir félagar
Jón Jónsson á Höskuldsstöðum í Blönduhlíð lézt hinn síðasta dag
vetrar, 23. apríl, 1952. Fæddur að Höskuldsstöðum 3. ágúst 1894.
Foreldrar: Jón bóndi á Höskuldsstöðum
Jónsson, bónda á Miklabæ í Oslandshlíð
og síðan á Þorleifsstöðum lengi, Gíslason-
ar, og kona hans Jóhanna Eiríksdóttir
bónda og hreppstjóra í Djúpadal, Eiríks-
sonar prests á Staðarbakka, Bjarnasonar í
Djúpadal.
Jón óx upp með foreldrum sínum á
Höskuldsstöðum og átti þar heima alla
ævi. Stundaði algenga sveitavinnu heima
þar og heiman, m. a. vegagerð í mörg
sumur og var þá flokksstjóri. Atti skepnur
og efnaðist vel.
Jón á Höskuldsstöðum var dökkur á
brún og brá, vel farinn í andliti, svip-
mikill og festulegur, meðalmaður á vöxt og þó ríflega, þrekinn um
bol og herðar, rammur að afli. Hann var ágætlega viti borinn sem
hann átti kyn til, stilltur og fámáll, dulur í skapi og hlédrægur svo
að bagi var að, slíkur maður sem hann var; alvörumaður, en gat þó
verið gamansamur og notalega kíminn í hópi kunningja. Hann var
maður þrautvandaður, ábyrgur orða og gerða og naut hvers manns
trausts, atorkusamur og afburða verkmaður, fór þar allt saman: frá-
bær verklagni, áhugi og orka.
Að Jóni á Höskuldsstöðum var mikill mannskaði.
Hann dó ókvæntur og barnlaus.
Jón Jónsson.
Björn Símonarson, kennari á Hólum, lézt 9. maí 1952. Fæddur
að Hofstöðum 20. des. 1892, sonur Símonar bónda í Hofstaðaseli
Björnssonar, bónda og hreppstjóra í Ásgeirsbrekku, Pálmasonar, og
konu hans Önnu Björnsdóttur bónda á Hofstöðum, Péturssonar, og
fyrri konu hans Margrétar Sigríðar Pálsdóttur, bónda og hreppstjóra
á Syðri-Brekkum.